ടി20: ഇന്ത്യക്ക് ‘സുന്ദര’വിജയം
ഹൊബാര്ട്ട്: ഓസ്ട്രേലിയക്കെതിരെ മൂന്നാം ടി20യില് ഇന്ത്യക്ക് അഞ്ച് വിക്കറ്റ് ജയം.തോൽവി തുറിച്ചുനോക്കവേ 23 പന്തിൽ പുറത്താവാതെ 49 റൺസെടുത്ത വാഷിംഗ്ടണ് സുന്ദറിൻ്റെ പ്രകടനത്തിൽ ഓസ്ട്രേലിയയുടെ 187 റൺസ് വിജയലക്ഷ്യം ഇന്ത്യ അഞ്ച് വിക്കറ്റ് നഷ്ടത്തിൽ മറികടന്നു.കളിയിലെ താരമായി 3 വിക്കറ്റെടുത്ത അര്ഷ്ദീപ് സിംഗിനെ തെരഞ്ഞെടുത്തു. ഇതോടെ അഞ്ച് മത്സര പരമ്പര 1-1 എന്ന നിലയിലായി.ആദ്യകളി മഴ മൂലം ഉപേക്ഷിച്ചിരുന്നു.നാലാം മത്സരം 6നാണ്.
ഓസ്ട്രേലിയ ഉയര്ത്തിയ 187 റണ്സ് വിജയലക്ഷ്യം ഇന്ത്യ 18.3 ഓവറില് അഞ്ച് വിക്കറ്റ് നഷ്ടത്തില് മറികടന്നു. 23 പന്തില് 49 റണ്സുമായി പുറത്താവാതെ നിന്ന വാഷിംഗ്ടണ് സുന്ദറാണ് ഇന്ത്യയെ വിജയത്തിലേക്ക് നയിച്ചത്. ഓസീസിന് വേണ്ടി നതാന് എല്ലിസ് മൂന്ന് വിക്കറ്റ് വീഴ്ത്തി. ഇതോടെ അഞ്ച് മത്സരങ്ങളുടെ പരമ്പരയില് ഇന്ത്യ 1-1ന് ഒപ്പമെത്തി.
നേരത്തെ ടിം ഡേവിഡ് (38 പന്തില് 74), മാര്കസ് സ്റ്റോയിനിസ് (39 പന്തില് 64) എന്നിവരുടെ ഇന്നിംഗ്സുകളാണ് ഓസീസിന് മികച്ച സ്കോറിലേക്ക് നയിച്ചത്. അര്ഷ്ദീപ് സിംഗ് മൂന്ന് വിക്കറ്റ് വീഴ്ത്തി. വരുണ് ചക്രവര്ത്തിക്ക് രണ്ട് വിക്കറ്റ് ലഭിച്ചു.
പിച്ചിലെ ആധിപത്യം മുതലാക്കാൻ ആദ്യം പന്തെറിയാനാണ് നായകൻ സൂര്യകുമാർ യാദവ് തീരുമാനിച്ചത്. ഇന്ത്യ മൂന്ന് മാറ്റങ്ങളാണ് പ്ലേയിങ് 11ൽ വരുത്തിയത്. സഞ്ജു സാംസണിന് പകരം ജിതേഷ് ശർമയെ ഇറക്കി.അർഷ്ദീപ് സിങ്ങിന് പ്ലേയിങ് 11ൽ ഇടം ലഭിച്ചപ്പോൾ ഹർഷിത് റാണ പുറത്തായി. വാഷിങ്ടൺ സുന്ദർ വന്നപ്പോൾ കുൽദീപ് യാദവിന് വിശ്രമം അനുവദിച്ചു.
ഭേദപ്പെട്ട തുടക്കമായിരുന്നു ഇന്ത്യക്ക്.അഭിഷേക് (25)-ഗില് (15) സഖ്യം ഒന്നാം വിക്കറ്റില് 33 റണ്സ് ചേര്ത്തിരുന്നു.എന്നാല് അഭിഷേകിനെ പുറത്താക്കി എല്ലിസ് ബ്രേക്ക് ത്രൂ നല്കി.പിന്നാലെ ഗില്ലിനെ വിക്കറ്റിന് മുന്നില് കുടുക്കാനും എല്ലിസ് സാധിച്ചു.സൂര്യകുമാര് യാദവിനെ (24)മാര്കസ് സ്റ്റോയിനിസ് കൂടി മടക്കിയതോടെ മൂന്നിന് 76എന്ന നിലയിലായി ഇന്ത്യ.പിന്നീട് തിലക് (26 പന്തില് 29) – അക്സര് പട്ടേല് സഖ്യം (12പന്തില് 17)എന്നിവര് 35 റണ്സ് കൂട്ടിചേര്ത്തു.എന്നാല് അക്സറിനെ പുറത്താക്കി എല്ലിസ് ഓസീസിന് മത്സരത്തിലേക്ക് തിരിച്ചുകൊണ്ടുവന്നു. ഇരുവരും മടങ്ങിയെങ്കിലും ജിതേശ് ശര്മയെ (13 പന്തില് 22)കൂട്ടുപിടിച്ച് വാഷിംഗ്ടണ് ഇന്ത്യയെ വിജയത്തിലേക്ക് നയിച്ചു.നാല് സിക്സും മൂന്ന് ഫോറും ഉള്പ്പെടുന്നതായിരുന്നു വാഷിംഗ്ടണിൻ്റെ ഇന്നിംഗ്സ്.
ടോസ് നേടിയ ഇന്ത്യ ഓസീസിനെ ബാറ്റിംഗിനയച്ചപ്പോള് ആഗ്രഹിച്ച തുടക്കമാണ് അര്ഷ്ദീപ് സിംഗ് നല്കിയത്.ആദ്യ ഓവറിലെ നാലാം പന്തില് തന്നെ ട്രാവിസ് ഹെഡിനെ (6) മടക്കിയ അര്ഷ്ദീപ് സിംഗ് രണ്ടാം ഓവറില് ജോഷ് ഇംഗ്ലിസിനെ കൂടി പുറത്താക്കി ഓസീസിന് ഇരട്ടപ്രഹരമേല്പ്പിച്ചു. എന്നാല് തുടര്ന്ന് ക്രീസിലിറങ്ങിയ ടിം ഡേവിഡ് തുടക്കം മുതല് ആഞ്ഞടിച്ചു. എന്നാല് ക്യാപ്റ്റന് മിച്ചല് മാര്ഷിനെ ഒരറ്റത്ത് കാഴ്ചക്കാരനായി നിര്ത്തി മറുവശത്ത് ഡേവിഡ് തകര്ത്തടിച്ചതോടെ പവര് പ്ലേയില് കൂടുതല് നഷ്ടങ്ങളില്ലാതെ ഓസീസ് 43ല് എത്തി.
അക്സര് പട്ടേലിനെ ഒരോവറില് രണ്ട് സിക്സ് അടിച്ചു തുടങ്ങിയ ഡേവിഡ് തൊട്ടടുത്ത ഓവറില് ശിവം ദുബെക്കെതിരെ മൂന്ന് ബൗണ്ടറി പറത്തി 23 പന്തില് അര്ധസെഞ്ചുറി തികച്ചു.എന്നാല് ഒമ്പതാം ഓവറില് വരുണ് ചക്രവര്ത്തി തുടര്ച്ചയായ പന്തുകളില് മിച്ചല് മാര്ഷിനെയും(14 പന്തില് 11), മിച്ചല് ഓവനെയും(0) പുറത്താക്കി ഇരട്ട പ്രഹരമേല്പ്പിച്ചെങ്കിലും ഡേവിഡ് താണ്ഡവം തുടര്ന്നു.
പതിനൊന്നാം ഓവറില് വരുണ് ചക്രവര്ത്തിയെ രണ്ട് തവണ ഡേവിഡ് സിക്സിന് പറത്തി അടുത്ത ഓവറില് ഓസീസ് 100 കടന്നു.ശിവം ദുബെ എറിഞ്ഞ പതിമൂന്നാം ഓവറില് രണ്ട് സിക്സ് അടിച്ച സ്റ്റോയ്നിസ് കരുത്തുകാട്ടിയപ്പോള് അവസാന പന്തില് ഡേവിഡിനെ തിലക് വര്മ ബൗണ്ടറിയില് പിടികൂടി.ഡേവിഡ് മടങ്ങിയശേഷം കടിഞ്ഞാണേറ്റെടുത്ത സ്റ്റോയ്നിസ് 32 പന്തില് അര്ധസെഞ്ചുറിയിലെത്തി.39പന്തില് 64 റണ്സെടുത്ത് അര്ഷ്ദീപിന്റെ അവസാന ഓവറില് സ്റ്റോയ്നിസ് പുറത്തായി. 14 പന്തില് 25 റണ്സെടുത്ത മാത്യു ഷോര്ട്ട് പുറത്താകാതെ നിന്നു. ഇന്ത്യക്കായി അര്ഷ്ദീപ് സിംഗ് മൂന്ന് വിക്കറ്റെടുത്തപ്പോള് വരുണ് ചക്രവര്ത്തി രണ്ട് വിക്കറ്റെടുത്തു.
