നിയമസഭാ പുസ്തകോത്സവം:ഓൺലൈൻ മത്സരങ്ങൾ നടത്തും
തിരുവനന്തപുരം: ജനുവരി 7 മുതൽ 13 വരെ നിയമസഭാ സമുച്ചയത്തിൽ സംഘടിപ്പിക്കുന്ന കേരള നിയമസഭാ അന്താരാഷ്ട്ര പുസ്തകോത്സവത്തിന്റെ നാലാം പതിപ്പിനോടനുബന്ധിച്ച് സ്കൂൾ, കോളേജ് വിദ്യാർഥികൾക്കും ജനങ്ങൾക്കുമായി മത്സരങ്ങൾ സംഘടിപ്പിക്കും.ഓൺലൈനിലായിരിക്കും മത്സരങ്ങൾ നടക്കുക.
പദ്യപാരായണം, പുസ്തകാസ്വാദനം, ഒരു കഥ പറയാം, റീൽസ്, ഹ്രസ്വചിത്രം എന്നീ ഇനങ്ങളിലാവും ഓൺലൈൻ മത്സരങ്ങൾ. വിജയികൾക്ക് ക്യാഷ് അവാർഡും പുസ്തക കൂപ്പണുകളും സർട്ടിഫിക്കറ്റും സമ്മാനമായി ലഭിക്കും. രജിസ്ട്രേഷൻ, നിബന്ധനകൾ തുടങ്ങിയ കൂടുതൽ വിവരങ്ങൾക്ക്: klibf.niyamasabha.org.
