297/ 2017 കേസിൽ അപ്പീൽ പോകുമെന്ന് സർക്കാർ വ്യക്തമാക്കി,അതിലും ജുഡീഷ്യൽ പരിശോധന
തിരുവനന്തപുരം:ദിലീപ് നിയമത്തിൻ്റെ കണ്ണിൽ പൂർണ്ണമായും കുറ്റവിമുക്തനായി എന്ന് പറയാൻ കഴിയില്ലെന്ന് മാധ്യമപ്രവർത്തകനായിരുന്ന ജീവൻകുമാർ.’നടി ആക്രമിക്കപ്പെട്ട കേസ് ഒരു ചെയിൻ – ഓഫ് ക്രൈം ഇൻവോൾഡ് ആയ സീരിസ് ആണ് ‘-അദ്ദേഹം ചൂണ്ടിക്കാട്ടി.

ജീവൻകുമാർ

ജീവൻകുമാറിൻ്റെ ഫെയ്സ്ബുക് പോസ്റ്റ്:

ദിലീപ് നിയമത്തിൻ്റെ കണ്ണിൽ പൂർണ്ണമായും കുറ്റവിമുക്തനായി എന്ന് പറയാൻ കഴിയില്ല. നടി ആക്രമിക്കപ്പെട്ട കേസ് ഒരു ചെയിൻ – ഓഫ് ക്രൈം ഇൻവോൾഡ് ആയ സീരിസ് ആണ്.അതിൽ ബലാത്സംഗത്തിന് വേണ്ടി നടിയെ തട്ടിക്കൊണ്ടുപോയി ദൃശ്യങ്ങൾ ചിത്രീകരിച്ച സംഭവത്തിൽ 2017 ഫെബ്രുവരി 18 ന്
‘നെടുമ്പാശേരി പോലീസ് രജിസ്ട്രർ ചെയ്ത 297/ 2017 എന്ന മുഖ്യ കേസിൽ മാത്രമാണ് ഏട്ടാം പ്രതിയായ ദിലീപ് കുറ്റവിമുക്തനാക്കപ്പെട്ടത്.
ഈ കേസിലെ പ്രോസിക്യൂഷൻ സാക്ഷിയായ PW 121 വിപിൻലാൽ എന്ന വ്യക്തിയെ സ്വാധീനിക്കാൻ ശ്രമിച്ചതിന് ബേക്കൽ പോലീസ് സ്റ്റേഷനിൽ രജിസ്റ്റർ ചെയ്ത 619/20 എന്ന കേസിലും, പ്രോസിക്യൂഷൻ സാക്ഷിയായ ജിൻസൺ PW135 എന്ന വ്യക്തിയെ സ്വാധീനിക്കാൻ ശ്രമിച്ചതിന് പീച്ചി പോലീസ് സ്റ്റേഷനിൽ രജിസ്റ്റർ ചെയ്ത കേസിലും ദിലീപും കൂട്ടാളികളും പ്രതിയാണ്. ബേക്കൽ സ്റ്റേഷനിലെ കേസ് ക്രൈംബ്രാഞ്ച് ഏറ്റെടുത്ത് അന്വേഷണം പൂർത്തിയാക്കി 30/06/2025 കോടതിയിൽ കുറ്റപത്രം സമർപ്പിച്ചിട്ടുണ്ട്.
ഇത് കൂടാതെ വിചാരണക്കിടെ പോലീസ് ഉദ്യോഗസ്ഥരെ വധിക്കാൻ ഗൂഢാലോചന നടത്തി എന്നതിൻ്റെ പേരിൽ എറണാകുളം ക്രൈംബ്രാഞ്ച് 2002 രജിസ്ട്രർ ചെയ്ത 6/ 2022 എന്ന കേസിലും ദിലീപ് പ്രതിയാണ് .
ചുരുക്കത്തിൽ ഒരു കേസിൽ മാത്രം ആണ് കുറ്റവിമുക്തനായത്. ഇനിയും മൂന്ന് കേസ് കൂടി കോടതി മുൻപാകെ ഉണ്ടെന്ന് ചുരുക്കം .
കൂടാതെ 297/ 2017 കേസിൽ അപ്പീൽ പോകുമെന്ന് സർക്കാർ വ്യക്തമാക്കി കഴിഞ്ഞു.അതുകൊണ്ട് അതിലും ജുഡീഷ്യൽ പരിശോധന നടക്കും.’