തിരുവനന്തപുരം:മലയാളത്തിൻ്റെ അഭിമാനമായ കലിഗ്രാഫര്‍ നാരായണ ഭട്ടതിരിയെ വേള്‍ഡ് കലിഗ്രഫി അസോസിയേഷൻ്റെ ഓണററി ഡയറക്ടറായി നിയമിച്ചു.ഇന്ത്യയില്‍ നിന്ന് ആദ്യമായാണ് ഒരാള്‍ ഈ സ്ഥാനത്തെത്തുന്നത്.
കൊറിയയിലെ ചിയോങ്ജുവില്‍ ജിക്ജി അന്താരാഷ്ട്ര കലിഗ്രഫി പ്രദര്‍ശന ഉദ്ഘാടനച്ചടങ്ങില്‍ വച്ചായിരുന്നു ഈ പ്രഖ്യാപനം.പ്രദര്‍ശനത്തിൻ്റെ ജൂറി അംഗമായിരുന്നു ഭട്ടതിരി.
കലിഗ്രഫി മേഖലകളിലെ കൈമാറ്റങ്ങളിലൂടെയും സഹകരണത്തിലൂടെയും രണ്ട് സംഘടനകളും പരസ്പര ധാരണയും സൗഹൃദവും പ്രോത്സാഹിപ്പിക്കുന്ന ഒരു ധാരണാപത്രത്തില്‍, കിം ഡോങ്-യെൻ അദ്ധ്യക്ഷനായ വേൾഡ് സ്ക്രിപ്റ്റ് കലിഗ്രഫി അസോസിയേഷൻ ,റിപ്പബ്ലിക് ഓഫ് കൊറിയനാരായണ ഭട്ടതിരി ചെയര്‍മാനായ കചടതപ ഫൗണ്ടേഷന്‍, ഇന്ത്യ എന്നീ രണ്ടു സംഘടനകളും ചേര്‍ന്ന് ഒപ്പു വച്ചു.
കലിഗ്രഫിയുമായി ബന്ധപ്പെട്ട പ്രദർശനങ്ങൾ, വർക്ക്ഷോപ്പുകൾ, എന്നിവയുടെ ആതിഥേയത്വം സംയുക്തമായി നടത്തുക, കലിഗ്രഫികലാകാരന്മാർക്കും ഗവേഷകർക്കും വേണ്ടിയുള്ള കൈമാറ്റ, വിദ്യാഭ്യാസ പരിപാടികളുമായി സഹകരിക്കുക തുടങ്ങിയവയാണ് ധാരണാപത്രത്തില്‍ പറഞ്ഞിരിക്കുന്ന വിഷയങ്ങള്‍.