ചെന്നൈ:രാഷ്ട്രീയത്തിലേക്കിറങ്ങിയ ദളപതി വിജയ് നായകനാകുന്ന ‘ജനനായകൻ’ റിലീസിന് മുൻപെ ലാഭമായെന്ന് കണക്കുകൾ .
എച്ച് വിനോദ് സംവിധാനം ചെയ്ത ഈ പൊളിറ്റിക്കൽ ആക്ഷൻ ത്രില്ലറിൻ്റെ ബഡ്ജറ്റായ 300 കോടി രൂപ വിവിധ അവകാശങ്ങൾ വിറ്റതിലൂടെ ചിത്രം ഇതിനകം നേടിക്കഴിഞ്ഞെന്നാണ് വിവരം.121 കോടി രൂപയ്ക്കാണ് ആമസോൺ പ്രൈം ചിത്രത്തിന്‍റെ ഒ.ടി.ടി റൈറ്റ് സ്വന്തമാക്കിയത്. സാറ്റലൈറ്റ് റൈറ്റ് 55 കോടിക്ക് സൺ ടി.വി. നേടി.തമിഴ്നാട്ടിലെ വിതരണാവകാശം 105 കോടി രൂപയ്ക്കാണ് വിറ്റ് പോയത്.ആഡിയോ റൈറ്റ് 35 കോടി രൂപയ്ക്ക് ടി. സീരീസാണ് സ്വന്തമാക്കിയത്.
ജനുവരി 9ന് ലോക വ്യാപകമായി റിലീസ് ചെയ്യുന്ന ജന നായകന്‍റെ കേരളത്തിലെ വിതരണാവകാശമാർക്കായിരിക്കുമെന്ന കാര്യത്തിൽ ഉടൻ തീരുമാനമാകും.15 മുതൽ 20 കോടി വരെയാണ് കേരളത്തിലെ വിതരണാവകാശം നല്കാൻ ജനനായകന്‍റെ നിർമ്മാതാക്കൾ ആവശ്യപ്പെടുന്ന തുകയെന്നാണ് വാർത്ത.
രാഷ്ട്രീയത്തിലേക്ക് പ്രവേശിച്ച് കഴിഞ്ഞ വിജയിൻ്റേതായി തെരഞ്ഞെടുപ്പിന് മുൻപ് വരുന്ന അവസാനത്തെ ചിത്രം, പൊളിറ്റിക്കൽ അക്ഷൻ ത്രില്ലർ എന്നീ പ്രത്യേകതകളാണ് ഈ സിനിമയുടെ സവിശേഷത. ജനുവരി 9 ന് ലോക വ്യാപകമായി റിലീസ് ചെയ്യുന്ന ജന നായകൻ റിലീസായി എട്ട് ആഴ്ച്കൾക്ക് ശേഷം ഒ.ടി.ടിയിലെത്തും.
കെ.വി.എൻ പ്രൊഡക്ഷൻസിൻ്റെ ബാനറിൽ വെങ്കട്ട്. കെ.നാരായണ, ജഗദീഷ് പഴനിസ്വാമി, ലോഹിത് എൻ.കെ. എന്നിവർ ചേർന്ന് നിർമിച്ച് എച്ച്. വിനോദ് രചനയും സംവിധാനവും നിർവ്വഹിക്കുന്ന ജന നായകനിൽ പൂജ ഹെഗ്ഡേയാണ് നായിക. ബോബി ഡിയോൾ, മമിത ബൈജു, ഗൗതം വാസുദേവമേനോൻ,നരെയ്ൻ, പ്രിയാമണി എന്നിവരാണ് മറ്റ് പ്രധാന താരങ്ങൾ .കാമറ – സത്യൻ സൂര്യൻ, സംഗീതം – അനിരുദ്ധ് രവിചന്ദർ.