ആകെ 26,അതിൽ മൂന്നും കേരളത്തിൻ്റേത്:മന്ത്രി എം.ബി രാജേഷ്

ന്യൂഡൽഹി:രാജ്യത്തെ എല്ലാ സംസ്ഥാനങ്ങൾക്കും പകർത്താവുന്ന പദ്ധതികളായി കേരളത്തിലെ മൂന്ന് പദ്ധതികൾ നിർദേശിച്ച് കേന്ദ്രസർക്കാർ. കെ സ്മാർട്ട്, ഡിജി കേരളം, പാലിയേറ്റീവ് കെയർ തുടങ്ങിയ പദ്ധതികളാണ് കേന്ദ്ര പഞ്ചായത്തിരാജ് മന്ത്രാലയം അനുകരണീയ മാതൃകകളായി (ബെസ്റ്റ് പ്രാക്ടീസുകൾ ) ആയി തെരഞ്ഞെടുത്തത്.ഇത്തരത്തിൽ തെരഞ്ഞെടുക്കപ്പെട്ട 26 മാതൃകകളിൽ മൂന്ന് എണ്ണവും കേരളത്തിൻ്റേത്.

മന്ത്രി എം.ബി രാജേഷ്

രാജ്യത്ത് ഇങ്ങനെ തെരഞ്ഞെടുക്കപ്പെട്ട 26 മാതൃകകളിൽ മൂന്ന് എണ്ണവും കേരളത്തിന്‍റെ അഭിമാനപദ്ധതികളാണ് എന്നത് ആഹ്ളാദകരമാണെന്ന് തദ്ദേശമന്ത്രി എം.ബി രാജേഷ് .വിവരസാങ്കേതിക വിദ്യ പ്രയോജനപ്പെടുത്തി ജനങ്ങൾക്ക് സുതാര്യവും വേഗത്തിലുള്ളതുമായ സേവനങ്ങൾ ഈ പദ്ധതികളിലൂടെ കേരളം ഉറപ്പാക്കി.സംസ്ഥാന സർക്കാരിൻ്റെ നേതൃത്വത്തിൽ തദ്ദേശ സ്വയം ഭരണ വകുപ്പും തദ്ദേശ സ്വയം ഭരണ സ്ഥാപനങ്ങളും നടത്തിയ മികവേറിയ പ്രവർത്തനങ്ങൾ ഒരിക്കൽക്കൂടി ദേശീയതലത്തിൽ അംഗീകരിക്കപ്പെടുകയാണെന്ന് അദ്ദേഹം ചൂണ്ടിക്കാട്ടി.