പൂർണ്ണ ആരോഗ്യവതി ” ഇതൾ ” 

തിരുവനന്തപുരം:സംസ്ഥാന ശിശുക്ഷേമ സമിതിയുടെ തിരുവനന്തപുരം അമ്മത്തൊട്ടിലിൽ സർക്കാർ സംരക്ഷണം തേടി ബുധനാഴ്ച പുലർച്ചെ 4.50 ന് 10 ദിവസം പ്രായവും 3.3കി.ഗ്രാം ഭാരവുമുള്ള
പെൺകുഞ്ഞ് പുതിയ അതിഥിയായി എത്തി.
അലാറം മുഴങ്ങിയ ഉടനെ ദത്തെടുക്കൽ കേന്ദ്രത്തിലെ നഴ്സുമാരും അമ്മമാരും എത്തി
പരിചരണ കേന്ദ്രത്തിൽ എത്തിച്ച് പ്രാഥമീക പരിശോധനകൾ നടത്തി,തൈക്കാട് കുട്ടികളുടെയും അമ്മമാരുടെയും ആശുപത്രിയിൽ എത്തിച്ച് പൂർണ്ണ വൈദ്യ പരിശോധനകൾ നടത്തി. പൂർണ്ണ ആരോഗ്യവതിയാണ് കുരുന്ന്. പെൺ കുഞ്ഞിന്
” ഇതൾ ” എന്ന്
പേരിട്ടതായി സംസ്ഥാന ശിശുക്ഷേമ സമിതി ജനറൽ സെക്രട്ടറി ജി.എൽ. അരുൺ ഗോപി അറിയിച്ചു.
ഒക്ടോബർ, നവംബർ, ഡിസംബർ മാസങ്ങളിലായി തിരുവനന്തപുരത്ത് 9കുട്ടികളെയാണ് ( 6പെൺ, 3ആൺ) പരിചരണക്കായി ലഭിച്ചത്. ഡിസംബർ മാസം 2കുട്ടികളും.

കുട്ടിയുടെ ദത്തെടുക്കൻ നടപടികൾ ആരംഭിക്കേണ്ടതിനാൽ അവകാശികൾ ആരെങ്കിലുമുണ്ടെങ്കിൽ സമിതിയുമായി അടിയന്തിരമായി ബന്ധപ്പെടണമെന്ന് അരുൺ ഗോപി അറിയിച്ചു.