ശബരിമല സീസണിൽ 336 സ്പെഷ്യൽ ട്രെയിനുകൾ
തിരുവനന്തപുരം :മകരവിളക്ക് പ്രമാണിച്ച് കൊല്ലം – കാക്കിനട ടൗൺ എക്സ്പ്രസ്, തിരുവനന്തപുരം സെൻട്രൽ – ചരളാപ്പള്ളി എക്സ്പ്രസ് സ്പെഷ്യൽ ട്രെയിൻ എന്നീ അധിക സർവീസുകൾ റെയിൽവേ പ്രഖ്യാപിച്ചു.

ട്രെയിൻ നമ്പർ 06065 കൊല്ലം – കാക്കിനട ടൗൺ എക്സ്പ്രസ് ജനുവരി 15 വ്യാഴാഴ്ച പുലർച്ചെ 03:30 ന് കൊല്ലത്ത് നിന്ന് പുറപ്പെട്ട് വെള്ളിയാഴ്ച 12:00 ന് കാക്കിനട ടൗണിൽ എത്തിച്ചേരും. തിരുവനന്തപുരം ഡിവിഷനിലെ, കായംകുളം ജംഗ്ഷൻ (04:00 / 04:02 ), ചെങ്ങന്നൂർ (04:30 / 05:15 ), തിരുവല്ല (05:25 / 05:27 ), ചങ്ങനാശ്ശേരി (05:38 മ / 05:40 ), കോട്ടയം (06:00 / 06:15 ), എറണാകുളം ടൗൺ (07:20 / 07:25 ), ആലുവ (08:10 / 08:12 ), തൃശൂർ (09:10 / 09:12 ) എന്നിവിടങ്ങളിൽ സ്റ്റോപ്പ് ഉണ്ടാകും. എതിർ ദിശയിൽ, ട്രെയിൻ നമ്പർ 06066 കാക്കിനട ടൗൺ – കൊല്ലം എക്സ്പ്രസ് സ്പെഷ്യൽ ജനുവരി 16 വെള്ളിയാഴ്ച വൈകുന്നേരം 6:28 ന് കാക്കിനട ടൗണിൽ നിന്ന് പുറപ്പെട്ട് ശനിയാഴ്ച രാത്രി 22:30 ന് കൊല്ലത്ത് എത്തിച്ചേരും.

ട്രെയിൻ നമ്പർ 06067 തിരുവനന്തപുരം സെൻട്രൽ – ചരളാപ്പള്ളി എക്സ്പ്രസ് സ്പെഷ്യൽ ട്രെയിൻ ജനുവരി 15 വ്യാഴാഴ്ച പുലർച്ചെ 04:10 ന് തിരുവനന്തപുരത്ത് നിന്ന് പുറപ്പെട്ട് വെള്ളിയാഴ്ച 3:00 ന് ചരളാപ്പള്ളിയിൽ എത്തും. കൊല്ലം ജംഗ്ഷൻ, ചെങ്ങന്നൂർ (06:00 -06.30 ), തിരുവല്ല, ചങ്ങനാശ്ശേരി, കോട്ടയം (07:20 /07:25 ), എറണാകുളം ടൗൺ, ആലുവ, തൃശൂർ എന്നിവിടങ്ങളിൽ സ്റ്റോപ്പ് ഉണ്ടായിരിക്കും. തിരികെ ട്രെയിൻ നമ്പർ 06068 ചരളാപ്പള്ളി – തിരുവനന്തപുരം സെൻട്രൽ എക്സ്പ്രസ് സ്പെഷ്യൽ ട്രെയിൻ ജനുവരി 16 വെള്ളിയാഴ്ച രാത്രി 21:45 ന് ചരളാപ്പള്ളിയിൽ നിന്ന് പുറപ്പെട്ട് ഞായറാഴ്ച രാവിലെ 08:00 ന് തിരുവനന്തപുരം സെൻട്രലിൽ എത്തും.

ഈ വർഷം തീർത്ഥാടകരുടെ സൗകര്യാർത്ഥം 336 ശബരിമല ഉത്സവ സ്പെഷ്യൽ ട്രെയിനുകളാണ് ഏർപ്പെടുത്തിയിട്ടുള്ളതെന്ന് ദക്ഷിണ റെയിൽവേ അറിയിച്ചു.