‘ധുരന്തറി’ൻ്റെ രണ്ടാം ഭാഗം മാർച്ചിൽ

കൊച്ചി:50 ദിവസം കൊണ്ട് ലോക വ്യാപകമായി ബോക്സോഫീസിൽ 1300 കോടിയോളം വാരിക്കൂട്ടിയ ധുരന്തർ കേരളത്തിൽ നിന്ന് മാത്രം ഇതിനകം നേടിയത് 8 കോടി 52 ലക്ഷം ഗ്രോസ് .
ഒരു ബോളിവുഡ് ചിത്രം സമീപകാലത്ത് കേരളത്തിൽ നേടുന്ന ഏറ്റവും ഉയർന്ന കളക്ഷനാണിത്. ഇന്ത്യയിൽ നിന്ന് മാത്രം 1000 കോടിയോളം നേടിയ ചിത്രം വിദേശ മാർക്കറ്റിൽ നിന്ന് നേടിയത് 300 കോടി രൂപയോളമാണ്. ബോർഡർ 2 ൻ്റെ വരവോടെ ധുരന്തറിൻ്റെ കളക്ഷനിൽ ഗണ്യമായ ഇടിവ് സംഭവിച്ചിട്ടുണ്ടെന്ന് ചൂണ്ടിക്കാട്ടപ്പെടുന്നു.
ആദിത്യ ധർ രചനയും സംവിധാനവും നിർവ്വഹിച്ച ഈ സ്പൈ ആക്ഷൻ ത്രില്ലർ ജിയോ സ്റ്റുഡിയോസിൻ്റെയും ബി62 സ്റ്റുഡിയോസിൻ്റെയും ബാനറുകളിൽ ജ്യോതി ദേശ്പാണ്ഡെ, ആദിത്യ ധർ, ലോകേഷ് ധർ എന്നിവർ ചേർന്നാണ് നിർമ്മിച്ചത്. രൺവീർ സിംഗ്, അക്ഷയ് ഖന്ന, സഞ്ജയ് ദത്ത്, സാറ അർജ്ജുൻ,ആർ. മാധവൻ, അർജുൻ രാംപാൽ, എന്നിവരാണ് പ്രധാന വേഷങ്ങവതരിപ്പിച്ചിരിക്കുന്നത്.214 മിനിറ്റ് ദൈർഘ്യമുള്ള, ധുരന്ധർ ഇതുവരെ നിർമ്മിച്ചതിൽ വച്ച് ഏറ്റവും ദൈർഘ്യമേറിയ ഇന്ത്യൻ ചിത്രങ്ങളിൽ ഒന്നാണ്.ചിത്രത്തിൻ്റെ രണ്ടാം ഭാഗം മാർച്ചിൽ തിയേറ്ററുകളിലെത്തും