വിദേശ സഞ്ചാരികളോട് പണിമുടക്കിനെതിരായി പറയിപ്പിക്കാൻ ശ്രമിച്ച് പരാജയപ്പെട്ട മാധ്യമ പ്രവർത്തകന് ട്രോൾ പെരുമഴ

കൊച്ചി:പണിമുടക്കിനെ തുടർന്ന് വാഹനം കിട്ടാതെ കുടുങ്ങിയ വിദേശ സഞ്ചാരികളോട് പണിമുടക്കിനെതിരായി പറയിപ്പിക്കാൻ ശ്രമിച്ച് പരാജയപ്പെട്ട മാധ്യമ പ്രവർത്തകന് ട്രോൾ പെരുമഴ.ദൈവത്തിൻ്റെ സ്വന്തം നാട്ടിൽ ഇങ്ങനെ കൊടുകുകടിയും കൊണ്ട് ഇങ്ങനെ കഴിയുന്നതിൽ ബുദ്ധിമുട്ടല്ലേ എന്ന ചോദ്യത്തിന് ഞങ്ങളുടെ കൈയിൽ കൊതുകിനെ തുരത്താനുള്ള സ്പ്രേ ഉണ്ടെന്നായിരുന്നു മറുപടി.
കൊച്ചിയിലെത്തിയ ജർമൻ, ഫ്രാൻസ് സ്വദേശികളാണ് മാധ്യമപ്രവർത്തകൻ്റെ ചോദ്യത്തിന് മറുപടി നൽകിയത്. മൂന്നാറിലേക്ക് പോകാനെത്തിയ വിദേശ യുവാവക്കളാണ് ഇന്ന് കൊച്ചയിൽ കുടുങ്ങിയത്. 7.50 നായിരുന്നു ബസ് ഉണ്ടായിരുന്നത്. എന്നാൽ, സമരം കാരണം ഇവർക്ക് യാത്ര ചെയ്യാനായില്ല. തുടർന്നാണ് ഇവർ മാധ്യമപ്രവർത്തകൻ്റെ ചോദ്യത്തിന് പ്രതികരിച്ചത്. പണിമുടക്കിന് കുറിച്ച് വ്യത്യസ്തമായ വിവരങ്ങൾ ലഭിച്ചിരുന്നുവെന്നും ഇവർ പറഞ്ഞു.
പണിമുടക്ക് ജീവിതത്തിൽ ആദ്യമായിട്ടല്ല നേരിടുന്നതെന്നും ഫ്രാൻസിലൊക്കെ രണ്ടാഴ്ചയിലൊരിക്കൽ പണിമുടക്ക് നടക്കാറുണ്ടെന്നും ഇവർ വ്യക്തമാക്കി.പൊതുഗതാഗത സംവിധാനം തടസ്സപ്പെടുന്നത് ഇതാദ്യമല്ലേ എന്ന ചോദ്യത്തിന് ജർമനിയിൽ വിമാനങ്ങളും ട്രെയിനുകളും വരെ പണിമുടക്കാറുണ്ടെന്നുായിരുന്നു വിദേശികളുടെ മറുപടി.
‘ജീവിതത്തിൽ ആദ്യമായിട്ടാവുമല്ലേ സമരത്തിൽ കുടുങ്ങി പോകുന്നത്?’എന്ന ചോദ്യത്തിന്
ഫ്രാൻസ് പൗരൻ്റെ ഈ മറുപടി കേട്ട് കിളിപോയത് മാധ്യമ പ്രവർത്തകനാണ് :’ ഹേയ്, അല്ലല്ല, ഞങ്ങളുടെ നാട്ടിൽ രണ്ടാഴ്ച്ചയിലൊരിക്കൽ സമരമാ.’
ബസ് പണിമുടക്കിനെതിരെയുള്ള മറുപടി തേടി ജർമൻകാരനോട് :’ നിങ്ങളുടെ നാട്ടിൽ ഈ പണിമുടക്കൊന്നും….’എന്നു ചോദിച്ചപ്പോഴേ
‘അവിടെ പ്ലെയിൻ വരെ പണി മുടക്കാറുണ്ട്.’എന്നു പറഞ്ഞ അദ്ദേഹം ട്രെയിൻ പണിമുടക്കും സാധാരണമെന്നു പറഞ്ഞതോടെ മാധ്യമ പ്രവർത്തകൻ വിയർത്തു പിൻമാറി.