ഒരു ജില്ലയിലും പ്രത്യേക ജാഗ്രതാ നിർദ്ദേശമില്ല

തിരുവനന്തപുരം :കേരളത്തിൽ ഒറ്റപ്പെട്ടയിടങ്ങളിൽ ഇന്നും നാളെയും ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. എന്നാൽ ഒരു ജില്ലയിലും പ്രത്യേക ജാഗ്രതാ നിർദ്ദേശമില്ല.
സംസ്ഥാനത്തിന് മുകളിൽ ചക്രവാതച്ചുഴലി സ്ഥിതി ചെയ്യുന്നു. അതിനാൽ ഫെബ്രുവരി 27 മുതൽ മാർച്ച് 03 വരെ യുള്ള തീയതികളിൽ ഇടിമിന്നലോടു കൂടിയ നേരിയ/ഇടത്തരം മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേരളവും സമീപ പ്രദേശങ്ങളും ഉൾപ്പെടുത്തി ഏകദേശം 1.5 കിലോമീറ്റർ ഉയരത്തിൽ ചക്രവാത ചുഴലി നിലനിൽക്കുന്നു.
അതിനാൽ സംസ്ഥാനത്ത് അടുത്ത രണ്ടുമൂന്ന് ദിവസങ്ങൾ ഒറ്റപ്പെട്ട ഇടങ്ങളിൽ ഇടിയോടുകൂടിയ മഴ ലഭിക്കാൻ സാധ്യതയുണ്ട്. വിവിധ ജില്ലകളിൽ ഒറ്റപ്പെട്ട ശക്തമായ മഴ ലഭിച്ചിരുന്നു. ഇന്ന് രാവിലെയും വിവിധ ജില്ലകളിൽ ശക്തമായ മഴ പെയ്തു.തൃശ്ശൂർ, പാലക്കാട്, ആലപ്പുഴ  ജിലകളിൽ മഴ കോരിച്ചൊരിഞ്ഞു.
ഈ മാസത്തെ മഴ സാധാരണ മൺസൂൺ മഴയല്ല. അത് പ്രാദേശിക ചുഴലികൾ, കടൽമേഖലകളിലെ ന്യൂനമർദ്ദങ്ങൾ, മുകളിലെ കാറ്റ് വ്യതിയാനം എന്നിങ്ങനെ വിവിധ കാരണങ്ങളാൽ ലഭിക്കുന്നതാണ്.