ബി.സി. ജോജോ അനുസ്മരണവും ഓർമ പുസ്തകമായ ‘ബൈലൈൻ ബി.സി. ജോജോ’ പ്രകാശനവും മാർച്ച് 26 ന്
പ്രകാശനം സി പി എം ജനറൽ സെക്രട്ടറി എം.എ. ബേബി
തിരുവനന്തപുരം:പ്രമുഖ മാധ്യമ പ്രവർത്തകൻ ബി.സി ജോജോയുടെ രണ്ടാം അനുസ്മരണ വാർഷികത്തോടനുബന്ധിച്ച് ഓർമപുസ്തകമായ ‘ബൈലൈൻ ജോജോ’ മാർച്ച് 26ന് തിരുവനന്തപുരം പ്രസ് ക്ലബ്ബിലെ ടി.എൻ ജി ഹാളിൽ വൈകുന്നേരം നാലിന് സിപിഎം ജനറൽ സെക്രട്ടറി എം.എ ബേബി പ്രകാശനം ചെയ്യും.ബി.സി ജോജോ ട്രസ്റ്റ് പ്രസിഡൻ്റും മുൻ സ്പീക്കറുമായ എം.വിജയകുമാറിൻ്റെ അധ്യക്ഷതയിൽ ചേരുന്ന യോഗത്തിൽ കവി പ്രഭാവർമ പുസ്തകം ഏറ്റുവാങ്ങും.
‘പുതുകാല മാധ്യമ ലോകവും വിശാല ജനാധിപത്യവും’ എന്ന വിഷയത്തിലുള്ള അനുസ്മരണ പ്രഭാഷണം മുതിർന്ന മാധ്യമ പ്രവർത്തകൻ വെങ്കിടേഷ് രാമകൃഷ്ണൻ നിർവഹിക്കും.
വൈദ്യുതിമന്ത്രി കെ.കൃഷ്ണൻകുട്ടി,കെപിസിസി മുൻ പ്രസിഡൻ്റ് എം.എം ഹസ്സൻ,24 ന്യൂസ് ചാനൽ എഡിറ്റർ ഇൻ ചാർജ് പി.പി ജയിംസ്,ട്രസ്റ്റ് സെക്രട്ടറി എം.ബി.സന്തോഷ്,ട്രഷറർ ഡോ.സുരിരാജൻ പാലയ്ക്കൽ എന്നിവർ പ്രസംഗിക്കും.
