‘ജോസ് ഹാപ്പിയാണ്.ഞാനോ അതിലേറെ ഹാപ്പി’:വി.കെ ശ്രീരാമൻ

കൊച്ചി:നടനും എഴുത്തുകാരനുമായ വി.കെ ശ്രീരാമൻ്റെ അനുഭവം വൈറലാവുന്നു.ചികിത്സ കഴിഞ്ഞ് അമൃത ആശുപത്രീന്ന് ഊബറിൽ തിരിച്ചുപോകവേ ശ്രീരാമൻ ഡ്രൈവറോട് ആര് ജയിക്കുമെന്ന് ചോദിച്ചു. അതിനുള്ള ഉത്തരമാണ് പോസ്റ്റിനെ വൈറലാക്കിയത്.
വി.കെ ശ്രീരാമൻ്റെ പോസ്റ്റ് വായിക്കാം:
‘ചീത്സ കഴിഞ്ഞ് ഉച്ചക്ക് അമൃത ആസ്പത്രീന്ന് തിരിച്ചു പോന്നത് ഇന്ന് ദാ ഇപ്പോ ജോസിൻ്റെ ഊബറിലാണ്.
പള്ളുരുത്തിക്കാരനാണ് ജോസ്.
വണ്ടിയിലിരുന്ന് പുറത്തേക്ക് നോക്കിയപ്പോൾ കണ്ട തോരണങ്ങളും വോൾ പോസ്റ്ററുകളും നോക്കി ഞാൻ ജോസിനോട് ചോദിച്ചു.

വി കെ ശ്രീരാമനും ഊബർ ഡ്രൈവർ ജോസും

ഇവിടെ ആരാവും ജയിക്യാ ജോസേ?
”ബടെ എൽഡീയെഫ് ജയിക്കും”
അതെന്താ ഇത്ര ഒറപ്പ്?
”ഞാൻ ദാ ഈ വണ്ടി ഓടിച്ച് കുടുംബം പുലർത്തണ ആളാ.
കമ്പനിക്കും വണ്ടീടെ ഓണർക്കും കൊടുത്തതിൻ്റെ ബാക്കി കൊണ്ടാ ഞാൻ സമാധാനത്തോടെ ജീവിച്ചു പോണത്. എനിക്ക് രോഗോം വെഷമോം വന്നപ്പോ ഈ സർക്കാരാ രക്ഷിച്ചത്. ഈ എൽഡിഎഫിൻ്റെ ധൈര്യത്തിലാ ഞാൻ ജീവിച്ചു പോണത്.
അത്രേള്ളൂ ഇൻ്റെ രഷ്ട്രീയം”
ന്നാ ജോസേ നമ്മക്ക് ഒരു സെൽഫി എടുത്താലോ?
” എടുക്കാലോ ”
ജോസ് ഹാപ്പിയാണ്.
ഞാനോ അതിലേറെ ഹാപ്പിയാണ്.’