“കിലുക്കം 25” ഒരു സ്റ്റേജ് ഷോ മാത്രമല്ല; പ്രവാസി മലയാളികളുടെ സാംസ്കാരിക തനിമ പകരുന്നഓർമ്മകളുടെ പുനരാവിഷ്കാരമെന്നും സംഘാടകർ

ഹൂസ്റ്റൺ:മലയാള സിനിമയുടെ അഭിനയഭാഷയെ തന്നെ പുനർനിർവചിച്ച മഹാനടനായ മോഹൻലാൽ 19 വർഷത്തെ ഇടവേളക്ക് ശേഷം അമേരിക്കയിൽ .ഏപ്രിൽ 17-ന് വെള്ളിയാഴ്ച വൈകിട്ട് 6.30 -ന് അരങ്ങേറുന്ന “കിലുക്കം 25” എന്ന മെഗാഷോ, ഒരു സ്റ്റേജ് ഷോ മാത്രമല്ല; പ്രവാസി മലയാളികളുടെ സാംസ്കാരിക തനിമ പകരുന്നഓർമ്മകളുടെ പുനരാവിഷ്കാരമാണെന്ന് സംഘാടകർ അവകാശപ്പെടുന്നു. ലോകത്തിന്‍റെ വിവിധ ഭാഗങ്ങളിൽ നിന്നുള്ളമലയാളികൾക്ക്, സ്വന്തം ഭാഷയുമായും സംസ്കാരവുമായി ഓർമ്മ പുതുക്കുവാനുളളഅപൂർവ അവസരമായി ഇത് മാറുകയാണെന്ന് അവർ അറിയിച്ചു.

മോഹൻലാലിൻ്റെയും സംഘത്തിന്‍റെയും ഈ സന്ദർശനം അദ്ദേഹത്തിന്‍റെ വ്യക്തിഗതയാത്രയുടെ തുടർച്ചയല്ല; മറിച്ച് അത് ഒരു കാലഘട്ടത്തിന്‍റെ ആഘോഷമാണ്. ഹൂസ്റ്റണിലെആ രാത്രി, അമേരിക്കൻ മലയാള സാംസ്കാരിക ചരിത്രത്തിൽ ശ്രദ്ധേയമായൊരുഅധ്യായമായി രേഖപ്പെടുത്തപ്പെടാൻ പോവുകയാണെന്നാണ് സംഘാടകരുടെ വാദം.

ഇത് ഒരു കലാകാരനും അദ്ദേഹത്തിന്‍റെ പ്രേക്ഷകരും തമ്മിലുള്ള ദീർഘകാല ബന്ധത്തിന്റെ ആഘോഷമാണ് — കാലത്തെയുംദൂരത്തെയും അതിജീവിക്കുന്ന ഒരു ബന്ധം പുതുക്കുവാനായി അമേരിക്കയിലെ വിവിധ നഗരങ്ങളിൽ നിന്നുള്ള മലയാളികൾ ഹൂസ്റ്റണിലേക്ക്ഒഴുകിയെത്തിക്കൊണ്ടിരിക്കുകയാണ്. 19 വർഷത്തിനിടെ ഇത്രയും വലിയതാരപ്പൊലിമയോടെ അമേരിക്കയിൽ എത്തിയ മറ്റൊരു മലയാള താരമുണ്ടായിട്ടില്ല. ആ രാത്രി, ഒരു കലാപ്രകടനം മാത്രമല്ല; ഒരുകാലഘട്ടത്തിൻ്റെ സാക്ഷ്യമായി അത് ചരിത്രത്തിന്‍റെ ഏടുകളിൽ എക്കാലവുംനിലനിൽക്കും.

ഹൂസ്റ്റൺ സെന്റ് തോമസ് ഇന്ത്യൻ ഓർത്തഡോക്സ് കത്തീഡ്രൽ സംഘടിപ്പിക്കുന്ന“കിലുക്കം 25” , വിൻസർ ഹോം ലെൻഡിംഗിൻ്റെ സഹകരണത്തോടെയാണ് നടക്കുന്നത്. വിൻസർ എന്റർടെയിൻമെൻ്റാണ് പരിപാടിയുടെ മാനേജ്മെന്‍റ്.

കിലുക്കം 25 – മോഹൻലാൽ ലൈവ് സ്റ്റേജ് ഷോ”-യിൽ മനോജ് കെ. ജയൻ, സ്റ്റീഫൻ ദേവസി, ജ്യോത്സ്ന, ഭാമ, നോബി, കുട്ടി അഖിൽ, അപർണ മൾബറി, രമ്യ, ബ്രൂസ് ലീ, ബാല മുരളി, ശ്യാം പ്രസാദ്എന്നിവരടങ്ങുന്ന താരനിര അണിനിരക്കും. സംഗീതം, നൃത്തം, കോമഡി, അഭിനയവൈഭവംഎന്നിവ ഒരുമിച്ചു ചേർന്ന ഒരു ഗ്രാൻഡ് ലൈവ് സ്റ്റേജ് ഷോ ആയിരിക്കും ഈപരിപാടിയെന്ന് സംഘാടകർ അറിയിച്ചു.

ആധുനിക സൗകര്യങ്ങളോടുകൂടിയ, മികച്ച ശബ്ദ-ദൃശ്യ സംവിധാനങ്ങളുള്ള സ്മാർട്ട്ഫിനാൻഷ്യൽ സെൻ്ററിൽ 6,000-ത്തിലധികം പ്രേക്ഷകർ പങ്കെടുക്കുമെന്നാണ്പ്രതീക്ഷിക്കുന്നത്. കുടുംബങ്ങൾ, പ്രൊഫഷണലുകൾ, വ്യവസായികൾ, സമൂഹനേതാക്കൾ, വിദ്യാർത്ഥികൾ തുടങ്ങിയവരടങ്ങുന്ന വൈവിധ്യമാർന്ന പ്രേക്ഷകസമൂഹം ഈപരിപാടിയുടെ പ്രത്യേകതയായിരിക്കും.

മലയാളി സമൂഹത്തിന്‍റെ ഐക്യവും സാംസ്‌കാരിക അഭിമാനവും ആഘോഷിക്കുന്ന ഈ പരിപാടി, അമേരിക്കയിലെ മലയാളികൾക്ക് ഒരിക്കലും മറക്കാനാകാത്തഅനുഭവമായിരിക്കുമെന്ന് സംഘാടകർ അറിയിച്ചു.

സീറ്റ് ഉറപ്പാക്കുവാൻ :

ഫാ. ഡോ. ഐസക് ബി. പ്രകാശ് (വികാരി) – (832) 997-9788

ഫാ. ജോൺസൺ പുഞ്ചക്കോണം (അസിസ്റ്റന്റ് വികാരി) – (346) 332-8889

ഫാ. ടെജി എബ്രഹാം (അസിസ്റ്റന്റ് വികാരി) – (469) 644-2800

ശ്രീ. തോമസ് പണിക്കർ (ട്രഷറർ) – (832) 539-3843

ശ്രീ. മനോജ് മാത്യു (സെക്രട്ടറി) – (281) 226-0499

ഡോ. സക്കറിയ തോമസ് (ഷൈജു) – (832) 643-9942 (ജനറൽ കൺവീനർ) എന്നിവരെ ബന്ധപ്പെടാം.