തന്മയ സോളിന് എസ് എസ് എൽ സിക്ക് ഫുൾ എ പ്ളസ്

തിരുവനന്തപുരം:’ജീവിതം ഒന്നേയുള്ളൂ…അത് ഫുൾ എൻ്റർടൈൻ ചെയ്യണമെന്ന നിന്‍റെ തത്വം എക്സാമിലും വർക്ക് ആയല്ലോ മോളേ’ എന്ന് തിരക്കേറിയ സിനിമാ ജീവിതത്തിനും കലാപ്രവർത്തനങ്ങൾക്കുമിടയിൽ മകൾ തന്മയ സോൾ എസ് എസ് എൽ സിക്ക് നേടിയ ഫുൾ എ പ്ളസ് വിജയത്തിന് അച്ഛനും നടനുമായ അരുൺസോളിൻ്റെ അഭിനന്ദനം.ടൊവീനോ തോമസ് ചിത്രം ‘വഴക്കി’ലൂടെ മികച്ച ബാലതാരത്തിനുള്ള സംസ്ഥാന പുരസ്കാരം നേടിയ തന്മയ ‘വേട്ടയാൻ’ എന്ന രജനീകാന്ത് ചിത്രത്തിൽ അഭിനയിച്ചതോടെ തന്മയ തെന്നിന്ത്യൻ സിനിമയിൽ ശ്രദ്ധേയയായി.

അരുൺസോൾ

മകളുടെ വിജയത്തെക്കുറിച്ച് അച്ഛൻ അരുൺസോൾ എഴുതിയ ഫെയ്സ് ബുക് കുറിപ്പ്:
‘മിക്ക സിനിമയും റിലീസ് ദിവസം ഫസ്റ്റ് ഷോ കാണുകയും
പിന്നെ ഇടയ്ക്ക് സിനിമയിൽ അഭിനയം,
വൈകുന്നേരം ഗ്രൗണ്ടിൽ കളി,
പിന്നെ യൂട്യൂബ്, ഒടിടി, സോഷ്യൽ മീഡിയ ഇൻസ്റ്റാഗ്രാമിൽ ഫുൾ ആക്ടീവ്,
സ്കൂൾ ഡാൻസ് മുതൽ സ്റ്റേറ്റ് കലോത്സവം വരെ ഓടി നടന്നിട്ട്… യുവജനോത്സവത്തിൽ എ ഗ്രേഡ് വാങ്ങി
“ഇപ്പോഴേ പറ്റൂ… പിന്നെ പറ്റില്ല…”
എന്ന് മാസ്സ് ഡയലോഗും അടിച്ച് നടന്ന നമ്മുടെ കുഞ്ഞി

തന്മയ സോൾ

ഫുൾ A+ വാങ്ങിയിരിക്കുന്നു! 😄🔥
ജീവിതം ഒന്നേയുള്ളൂ…
അത് ഫുൾ എന്റർടൈൻ ചെയ്യണമെന്ന നിന്റെ തത്വം
എക്സാമിലും വർക്ക് ആയല്ലോ മോളേ! ❤️
അഭിനന്ദനങ്ങൾ…
ഇത് നമ്മുടെ സക്കീർ ഭായിക്ക് അല്ലാതെ പിന്നെ ആർക്കാണ് കഴിയുക! 👏🥰
പട്ടം ഗേൾസിലെ ടീച്ചർമാർക്കും
ഇൻലൈറ്റിനും അശ്വിനും പ്രത്യേകം നന്ദി’