കോളേജ് സൈക്കോളജിസ്റ്റ്മാരുടെ ഒഴിവുകളിലേക്ക് അപേക്ഷിക്കാം
നിയമനം കരാർ അടിസ്ഥാനത്തിൽ
തിരുവനന്തപുരം:നെയ്യാറ്റിൻകര കുളത്തൂർ ഗവ: ആർട്സ് ആൻഡ് സയൻസ് കോളേജിൽ 2026-27 അധ്യയന വർഷത്തിൽ കോളേജ് സൈക്കോളജിസ്റ്റിൻ്റെ (ഓൺ കോൺട്രാക്ട്) ഒരു ഒഴിവുണ്ട്. റഗുലർ പഠനത്തിലൂടെ സെക്കോളജിയിൽ ബിരുദാനന്തര ബിരുദം നേടിയ ഉദ്യോഗാർഥികൾ അസൽ സർട്ടിഫിക്കറ്റുകളുമായി മേയ് 26 ന് ഉച്ചക്ക് 12 മണിക്ക് കോളേജിൽ നടക്കുന്ന അഭിമുഖത്തിൽ പങ്കെടുക്കണം. ജീവനിയിലെ പ്രവൃത്തി പരിചയം, അധിക വിദ്യാഭ്യാ യോഗ്യത/ അക്കാദമിക മികവ്, അംഗീകൃത സ്ഥാപനങ്ങളിൽ നിന്നുള്ള കൗൺസിലിംഗ് ഡിപ്ലോമ എന്നിവ അഭിലഷണീയ യോഗ്യതകളാണ്.
ജീവനി കോളേജ് മെൻ്റൽ വെൽബീയിങ് പ്രോഗ്രാം എന്ന പദ്ധതിയുടെ ഭാഗമായി കോടിയേരി ബാലകൃഷ്ണൻ സ്മാരക ഗവ. കോളേജ് തലശ്ശേരി, ചൊക്ലിയിൽ 2026-27 അക്കാദമിക വർഷത്തേക്ക് കോളേജ് സെക്കോളജിസ്റ്റ് (ഓൺ കോൺട്രാക്ട്) നെ നിയമിക്കുന്നു. റെഗുലർ പഠനത്തിലൂടെ സെക്കോളജിയിൽ നേടിയ ബിരുദാനന്തര ബിരുദമാണ് യോഗ്യത. താല്പര്യമുള്ള ഉദ്യോഗാർത്ഥികൾ യോഗ്യത തെളിയിക്കുന്ന അസൽ സർട്ടിഫിക്കറ്റുകളും പകർപ്പുകളും സഹിതം മെയ് 30 രാവിലെ 10 മണിക്ക് കോളേജിൽ അഭിമുഖത്തിന് എത്തിച്ചേരണം. കൂടുതൽ വിവരങ്ങൾക്ക്: https://govtcollegetly.ac.in, 9188900210.
കാര്യവട്ടം സർക്കാർ കോളേജ്, എസ്. എൻ. കോളേജ് ചെമ്പഴന്തി, തിരുവനന്തപുരം, NISH എന്നിവിടങ്ങളിലായി 2026-27 അധ്യയന വർഷത്തിലേക്ക് താൽക്കാലികമായി കോളേജ് സൈക്കോളജിസ്റ്റ്മാരുടെ ഒഴിവുണ്ട്. (കോളേജുകളെ ക്ലസ്റ്ററുകൾ ആയി തിരിച്ചു ആകെ 3 ഒഴിവുകൾ) ഉദ്യോഗാർത്ഥികൾ റെഗുലർ പഠനത്തിലൂടെ സൈക്കോളജിയിൽ ബിരുദാനന്തര ബിരുദം ഉള്ളവർ ആയിരിക്കണം. ക്ലിനിക്കൽ സൈക്കോളജിയിലെ പ്രവർത്തി പരിചയം അഭിലഷണീയ യോഗ്യതയായി പരിഗണിക്കുന്നതാണ്. താല്പര്യമുള്ളവർ അസ്സൽ സർട്ടിഫിക്കറ്റുകൾ സഹിതം മെയ് 26 രാവിലെ 10 മണിക്ക് അഭിമുഖത്തിന് എത്തിച്ചേരണം. വിശദവിവരങ്ങൾക്ക്: 0471 2417112, 9188900161.
മലയിൻകീഴ് എംഎംഎസ് ഗവ. ആർട്സ് ആന്റ് സയൻസ് കോളേജിൽ 2026-27 അധ്യയന വർഷത്തേക്ക് 2 കോളേജ് സൈക്കോളജിസ്റ്റുമാരെ പ്രതിമാസം 20000 രൂപ നിരക്കിൽ കരാർ അടിസ്ഥാനത്തിൽ നിയമിക്കുന്നതിനുള്ള അഭിമുഖം മെയ് 29 രാവിലെ 10 മണിക്ക് കോളേജ് ഓഫീസിൽ വച്ച് നടക്കുന്നതാണ്. റെഗുലർ പഠനത്തിലൂടെ സൈക്കോളജിയിൽ ബിരുദാനന്തര ബിരുദം നേടിയ ഉദ്യോഗാർത്ഥികൾ യോഗ്യത, ജനന തീയതി, മുൻ പരിചയം എന്നിവ തെളിയിക്കുന്നതിനുള്ള സർട്ടിഫിക്കറ്റുകൾ സഹിതം അഭിമുഖത്തിന് എത്തിച്ചേരണം. കൂടുതൽ വിവരങ്ങൾക്ക്: 0471-2282020.
സി. എച്ച്. എം. കെ. എം. ഗവ. ആർട്സ് ആന്റ് സയൻസ് കോളേജ്, താനൂർ, പി. എസ്. എം. ഒ. കോളേജ് തിരൂരങ്ങാടി, അൻസാർ അറബിക് കോളേജ് വളവന്നൂർ, സയ്യിദ് മുഹമ്മദ് ആലി ശിഹാബ് തങ്ങൾ മെമ്മോറിയൽ ആർട്സ് ആന്റ് സയൻസ് വുമൺസ് കോളേജ് കാട്ടിലങ്ങാടി, ആതവനാട് എന്നീ കോളേജുകളിലേക്ക് 2026-2027 അധ്യയന വർഷത്തേയ്ക്ക് കോളേജ് സൈക്കോളജിസ്റ്റുകളുടെ താൽക്കാലിക നിയമനം നടത്തുന്നു.
റഗുലർ പഠനത്തിലൂടെ സൈക്കോളജിയിൽ നേടിയ ബിരുദാനന്തര ബിരുദമുള്ളവർക്ക് (MA/MSc) അപേക്ഷിക്കാവുന്നതാണ്. ജീവനിയിലെ പ്രവൃത്തി പരിചയം, ക്ലിനിക്കൽ/കൗൺസലിംഗ് മേഖലയിലെ പ്രവൃത്തി പരിചയം, അധിക വിദ്യാഭ്യാസ യോഗ്യത, അംഗീകൃത സ്ഥാപനങ്ങളിൽ നിന്നുള്ള കൗൺസലിംഗ് ഡിപ്ലോമ എന്നിവ അഭിലഷണീയ യോഗ്യതകളാണ്.
യോഗ്യരായ ഉദ്യോഗാർത്ഥികൾ മെയ് 26 രാവിലെ 10ന് അസ്സൽ യോഗ്യതാ സർട്ടിഫിക്കറ്റുകളും രേഖകളും സഹിതം താനൂർ സി എച്ച് എം കെ എം.ഗവ.ആർട്സ് & സയൻസ് കോളേജ് പ്രിൻസിപ്പാൾ മുമ്പാകെ അഭിമുഖത്തിന് എത്തിച്ചേരണം.
തെരഞ്ഞെടുക്കപ്പെടുന്ന ഉദ്യോഗാർത്ഥികളെ 2027 മാർച്ച് 31 വരെ അപ്രന്റീസ്ഷിപ്പിൽ കരാർ വ്യവസ്ഥയിൽ താൽക്കാലികമായി നിയമിക്കുന്നതാണ്. നിയമനം ലഭിക്കുന്നവർക്ക് ഒരേസമയം മേൽ പ്രസ്താവിച്ച കോളേജുകളിലെ കോളേജ് സൈക്കോളജിസ്റ്റ് ഓൺ കോൺട്രാക്ട് ചുമതല ഉണ്ടായിരിക്കും.
