പ്രചാരണ വാഹന ജാഥ കേരള കർഷകസംഘം സംസ്ഥാന പ്രസിഡന്‍റ് എം വിജയകുമാർ ഉദ്ഘാടനം ചെയ്ത് ജാഥ ക്യാപ്റ്റൻ ഡി കെ മുരളിക്ക് പതാക കൈമാറി

തിരുവനന്തപുരം:പരിസ്ഥിതി ലോല വിജ്ഞാപനത്തിൽ നിന്നും ജനവാസ കാർഷിക മേഖലയെ ഒഴിവാക്കണമെന്ന് ആവശ്യപ്പെട്ട് കേരള കർഷക സംഘത്തിന്‍റെയും ആദിവാസി ക്ഷേമ സമിതിയുടെയും നേതൃത്വത്തിൽ തിരുവനന്തപുരത്ത് ഒക്ടോബർ 27 ന് നടത്തുന്ന മലയോര ഹർത്താലിന്റെ ഭാഗമായി സംഘടിപ്പിച്ച വാഹന പ്രചരണ ജാഥ കേരള കർഷകസംഘം സംസ്ഥാന പ്രസിഡന്റ് എം വിജയകുമാർ ഉദ്ഘാടനം ചെയ്ത് ജാഥ ക്യാപ്റ്റൻ ഡി കെ മുരളിക്ക് പതാക കൈമാറി.

ഇലവുപാലത്ത് സംഘടിപ്പിച്ച യോഗത്തിൽ ഡോ. കെ ആർ ഷൈജു അധ്യക്ഷനായി. ജാഥ മാനേജർ ഐ സാജു, വൈസ് ക്യാപ്റ്റൻ എം എൽ കിഷോർ, കോലിയക്കോട് എൻ കൃഷ്ണൻ നായർ, വി എസ് പദ്മകുമാർ, കെ സി വിക്രമൻ, വിദ്യാധരൻ കാണി, ഐ ബി സതീഷ്, വി കെ മധു, പി എസ് മധു, എ എം അൻസാരി, സദാനന്ദൻ കാണി, വി വിജൂമോഹൻ, കലയപുരം അൻസാരി, ഷാൻ ഇലവുപാലം എന്നിവർ സംസാരിച്ചു. സമാപന പൊതുയോഗം അമ്പൂരിയിൽ സിപിഎം ജില്ലാ സെക്രട്ടറി വി ജോയി എംഎൽഎ ഉദ്ഘാടനം ചെയ്തു.