തിരുവനന്തപുരം:പഞ്ചായത്ത് മെമ്പറും കോർപറേഷൻ കൗണ്‍സിലറും ആവാൻ സംസ്ഥാനത്തൊട്ടാകെ വലിയ മത്സരം നടക്കുമ്പോള്‍ ഇവരുടെ പ്രതിഫലം തീരെക്കുറവാണ്.ഇവർക്ക് ശമ്പളം
ഇല്ല.പകരം ഓണറേറിയമാണ്. ഔദ്യോഗിക നിയമനത്തിൻ്റെ ഭാഗമായി നൽകുന്ന പ്രതിഫലമാണ് ശമ്പളം.സേവനത്തിന് നന്ദിസൂചകമായി സ്വമേധയാ നൽകുന്ന തുകയാണ് ഓണറേറിയം.ഗ്രാമ
പഞ്ചായത്ത് അംഗത്തിനാണ് ഏറ്റവും കുറവ് ഓണറേറിയം. ഏറ്റവും കൂടുതൽ ജില്ലാ പഞ്ചായത്ത് പ്രസിഡൻ്റിനും.
എംപിയോ എംഎൽയോ ആയാൽ അവർക്ക് മെച്ചപ്പെട്ട പ്രതിഫലവും യാത്രപ്പടിയും മറ്റ് ആനുകൂല്യങ്ങളുമുണ്ട്. എന്നാൽ ഒരു പഞ്ചായത്ത് മെബർക്ക് ഇവരെക്കാളും ഉത്തരാദിത്തങ്ങളും ജോലയും കൂടുതലാണ്. സത്യസന്ധമായി പ്രവർത്തിക്കുന്ന ഒരു മെംബർക്ക് ഈ തുക തീരെ തികയില്ല എന്നതാണ് വാസ്തവം.
ജില്ലാ പഞ്ചായത്ത് -ഓണറേറിയം
പ്രസിഡൻ്റ്: 16,800
വൈസ് പ്രസിഡൻ്റ്: 14,200
സ്റ്റാൻ്റിങ് കമ്മിറ്റി ചെയര്‍മാന്‍: 10,400
ജില്ലാ പഞ്ചായത്ത് അംഗം: 9,800
കോര്‍പറേഷന്‍
മേയർ: 15,800
ഡെപ്യൂട്ടി മേയർ: 13,200
സ്റ്റാന്‍ഡിങ് കമ്മിറ്റി ചെയര്‍മാൻ: 9,400
കൗണ്‍സിലര്‍ : 8,200
നഗരസഭ
ചെയര്‍മാന്‍: 15,600
വൈസ് ചെയര്‍മാന്‍: 13,000
സ്റ്റാൻ്റിങ് കമ്മിറ്റി ചെയര്‍മാന്‍: 9,800
നഗരസഭ കൗണ്‍സിലര്‍: 8,600
ബ്ലോക്ക് പഞ്ചായത്ത്
പ്രസിഡന്‍റ്: 15,600
വൈസ് പ്രസിഡന്‍റ്: 13,000
സ്റ്റാൻ്റിങ് കമ്മിറ്റി ചെയര്‍മാന്‍: 9,800
ബ്ലോക്ക് പഞ്ചായത്ത് അംഗം: 8,600
ഗ്രാമപഞ്ചായത്ത്
പ്രസിഡന്‍റ്: 14,200
വൈസ് പ്രസിഡന്‍റ്: 11,600
സ്റ്റാൻ്റിങ് കമ്മിറ്റി ചെയര്‍മാന്‍: 9,200
പഞ്ചായത്ത് അംഗം: 8,000
ഓണറേറിയത്തിനു പുറമേ തദ്ദേശസ്ഥാപനങ്ങളിലെ യോഗങ്ങളില്‍ പങ്കെടുക്കുന്നതിന് അംഗങ്ങള്‍ക്ക് ബത്തയുണ്ട് അധ്യക്ഷൻ, ഉപാധ്യക്ഷൻ, സ്ഥിരം സമിതി അധ്യക്ഷൻ എന്നിവര്‍ക്ക് 250 രൂപയാണ് ബത്ത.മാസം പരമാവധി 1250 രൂപ ഈയിനത്തില്‍ കൈപ്പറ്റാം.സാദാ അംഗങ്ങള്‍ക്ക് യോഗത്തിന് 200 രൂപയാണ് ,ഇവരുടെ പരമാവധി പ്രതിമാസ ബത്ത 1000 രൂപയാണ്.