ഐ.എൻ.ടി.യു.സി സംസ്ഥാന കമ്മിറ്റി ഓഫീസ് വിറ്റ് കമ്മീഷനടിക്കാൻ ശ്രമം:ഐ എൻ. ടി.യു.സി ദേശീയ സെക്രട്ടറി കെ.പി.ഹരിദാസ്

തിരുവനന്തപുരം:ഐ.എൻ.ടി.യു.സിയെ കൈപ്പിടിയിലൊതുക്കി സ്വാർത്ഥതാല്പര്യങ്ങൾ സംരക്ഷിക്കുകയും,വില്പന ചരക്ക് ആക്കുകയും ചെയ്യുന്ന നടപടികളിൽ നിന്ന് നിലവിലുള്ള ഐ. എൻ.ടി.യു.സി നേതൃത്വം പിന്മാറണമെന്ന് ഐ എൻ. ടി.യു.സി ദേശീയ സെക്രട്ടറി കെ.പി.ഹരിദാസ് അഭിപ്രായപ്പെട്ടു.
തൊഴിലാളികളിൽ നിന്ന് ഫണ്ട് പിരിച്ച് വാങ്ങിയ
കെ.കരുണാകരകൻ്റെ നാമധേയത്തിലുള്ള ഐ.എൻ.ടി.യു.സി സംസ്ഥാന കമ്മിറ്റി ഓഫീസ് വിറ്റ് കമ്മീഷനടിക്കാനും അപകടത്താൻ മരണപ്പെട്ട തൊഴിലാളിയുടെ ആശ്രിതർക്ക് നൽകാനെന്ന പേരിൽ തൊഴിലാളികളിൽ നിന്ന് പിരിച്ചെടുത്ത 35 ലക്ഷം രൂപ ആശ്രിതർക്ക് കൈമാറാതിരിക്കുകയും ചെയ്ത നേതാക്കളായ ആർ.ചന്ദ്രശേഖരൻ്റെയും വി.ആർ പ്രതാപൻ്റെയും നടപടികളിൽ പ്രതിഷേധിച്ചു കൊണ്ടും, സംഘടനയിൽ ജനാധിപത്യം പുനഃസ്ഥാപിക്കണമെന്നും ആവശ്യപ്പെട്ട് ഐ.എൻ.ടി.യു.സി ഓഫീസിലേക്ക് അഫിലിയേറ്റഡ് യൂണിയനുകൾ നടത്തിയ പ്രതിഷേധ മാർച്ച് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
ഐ.എൻ.ടി.യു.സി ദേശീയ ഓർഗനൈസിംഗ് സെക്രട്ടറി ആർ.എം. പരമേശ്വരൻ അധ്യക്ഷനായി.ചിങ്ങന്നൂർ മനോജ്,മണക്കാട് ചന്ദ്രൻ കുട്ടി പി.സുധാകരൻ, വഞ്ചിയൂർ രാധാകൃഷ്ണൻ,വർഗ്ഗീസ് ജോസഫ്,കെ.ആർ.വി സഹജൻ,ചാല സുധാകരൻ എന്നിവർ പ്രസംഗിച്ചു.
പരുത്തിക്കുഴി ഇംഗ്ഷനിൽ നിന്ന് ആരംഭിച്ച മാർച്ച്
ഐ.എൻ.ടി.യു.സി ഓഫീസിന് സമീപം പോലീസ് ബാരിക്കോട് വച്ച് തടഞ്ഞു.നേതാക്കളായ അനന്തപുരി മണികണ്ഠൻ,കുന്നുകുഴി സുരേഷ്,മോളി അജിത്,
പൂന്തുറ ജയ്സൺ,
നിസാറുദീൻ,വില്യം ലാൻസി,പൊൻമുടി പ്രകാശ്, ആലിയാട് സുരേന്ദ്രൻ,ജയരാമൻ, ആറ്റുകാൽ രമ,കല്ലട കുഞ്ഞുമോൻ, അങ്ങാടിക്കൽ വിജയകുമാർ,പി.എം റജിമോൻ,കെ.രാമചന്ദ്രൻ, എ.എം ഷാജഹാൻ,കെ. എം ഉമ്മർ,ജയിംസ് മാമ്മൂട്ടിൽ,ഷാഹുൽ ഹമീദ്, പി.കെ.എം.ബഷീർ, വേണുഗോപാൽ,പി.ഡി. ജോൺ,ടി.കെ രമേശൻ, ആടുമൻകാട് വിജയൻ എന്നിവർ നേതൃത്വം നൽകി