തിരുവനന്തപുരം:സംസ്ഥാന സർക്കാർ ജീവനക്കാർ/ അധ്യാപകർ/ പെൻഷൻകാർ
എന്നിവർക്ക് നൽകാനുള്ള 4 ശതമാനം ഡി.എ – ഡിആർ നവംബർ മാസത്തിൽ വിതരണം
ചെയ്യുന്ന ശമ്പളം/ പെൻനോടൊപ്പം നൽകുമെന്ന് മുഖ്യമന്ത്രി പിണറായി വിജയൻ.
കുടിശ്ശിക ഈ സാമ്പത്തിക വർഷത്തിൽ 2 ഗഡു നൽകിയിട്ടുണ്ട്. കൊവിഡ് കാലത്തെ
സാമ്പത്തിക പ്രതിസന്ധികൾക്കിടയിലും പ്രഖ്യാപിച്ച മെച്ചപ്പെട്ട ശമ്പള
പരിഷ്കരണത്തിന്‍റെ ആനുകൂല്യങ്ങൾ ലഭ്യമാക്കാൻ സർക്കാരിന് കഴിഞ്ഞിട്ടുണ്ട്.
ഈ സാമ്പത്തിക വർഷം തന്നെ ഒരു ഗഡു ഡി.എ – ഡിആർ കൂടി അനുവദിക്കുന്നു. മുൻ
ഗഡുക്കളിൽ 2%, 3% ആണ് അനുവദിച്ചിരുന്നതെങ്കിൽ ഇത്തവണ അത് 4% ആയി നവംബർ
മാസത്തിൽ വിതരണം ചെയ്യുന്ന ശമ്പളം/ പെൻനോടൊപ്പം നൽകുമെന്ന് മുഖ്യമന്ത്രി
പറഞ്ഞു.
സംസ്ഥാന സർക്കാർ ജീവനക്കാരുടെ പതിനൊന്നാം ശമ്പള പരിഷ്കരണ കുടിശികയുടെ
ഒന്നും രണ്ടും ഗഡുക്കൾ ഈ വർഷം നൽകി. മൂന്നും നാലും ഗഡുക്കൾ ഈ സാമ്പത്തിക
വർഷം തന്നെ അനുവദിക്കും.2026 ഏപ്രിൽ 1 നു ശേഷം ഈ കുടിശ്ശിക തുക പി.എഫിൽ
ലയിപ്പിക്കും. പി.എഫ് ഇല്ലാത്തവർക്ക് പണമായി 2026 ഏപ്രിൽ 1 നു ശേഷം
നൽകുമെന്നും മുഖ്യമന്ത്രി അറിയിച്ചു.