തിരുവനന്തപുരം:കേരള ബാങ്ക് പ്രസിഡൻ്റായി സിപിഎം സംസ്ഥാന സെക്രട്ടറിയേറ്റ് അംഗം പി.മോഹനനെ തെരഞ്ഞെടുത്തു.സിപിഎം കോഴിക്കോട് ജില്ലാ മുൻ സെക്രട്ടറിയാണ്.മുൻ എംഎൽഎയും സിപിഎം സംസ്ഥാന സമിതി അംഗവുമായി ടി വി രാജേഷാണ് വൈസ് പ്രസിഡൻ്റ്.
ഈ മാസം 21നാണ് കേരള ബാങ്കിന്റെ ഭരണസമിതിയിലേക്കുള്ള തെരഞ്ഞെടുപ്പ് നടന്നത്. തെരഞ്ഞെടുപ്പിൽ 1020 വോട്ട് വരെ എൽഡിഎഫിന് ലഭിച്ചു.യുഡിഎഫിന് 49 വോട്ടാണ്കിട്ടിയത്.മലപ്പുറം ഒഴികെയുള്ള ജില്ലാ ബാങ്കുകള്‍ തെരഞ്ഞെടുപ്പില്‍ പങ്കെടുത്തു.

കേരള ബാങ്ക് പ്രസിഡൻ്റായി ചുമതലയേറ്റ പി. മോഹനനെസഹകരണസ്പെഷ്യൽ സെക്രട്ടറി ഡോ. വീണ എൻ. മാധവൻ ബൊക്ക നൽകി സ്വീകരിക്കുന്നു.പുതുതായി ചുമതലയേറ്റ വൈസ് പ്രസിഡൻ്റ് ടി.വി. രാജേഷ്, മുൻ പ്രസിഡൻറ് ഗോപി കോട്ടമുറിയ്ക്കൽ, മുൻ വൈസ് പ്രസിഡൻ്റ് എം.കെ. കണ്ണൻ, പുതിയ ഭരണസമിതി അംഗങ്ങൾ ,ബാങ്ക് ചീഫ് എക്സിക്യൂട്ടീവ് ഓഫീസർ ജോർട്ടി എം ചാക്കോ എന്നിവർ സമീപം

നവംബർ 21-നായിരുന്നു ഭരണസമിതിയിലേക്കുള്ള തെരഞ്ഞെടുപ്പ് നടന്നത്. 24ന് തിരുവനന്തപുരത്ത് ബാങ്ക് ഹെഡ് ഓഫീസിൽ വോട്ടെണ്ണൽ നടത്തിയതിനു ശേഷം വരണാധികാരിയാണ് വിജയികളെ പ്രഖ്യാപിച്ചത്. തെരഞ്ഞെടുക്കപ്പെട്ട പുതിയ ഭരണസമിതി അംഗങ്ങൾ ആദ്യ യോഗം ചേർന്ന് പ്രസിഡന്റിനെയും വൈസ് പ്രസിഡന്റിനെയും തെരഞ്ഞെടുത്തു.മറ്റു ഭരണസമിതി അംഗങ്ങൾ:ബിനിൽ കുമാർ (പത്തനംതിട്ട); പി. ഗാനകുമാർ (ആലപ്പുഴ);ജോസ് ടോം (കോട്ടയം);വി. സലിം (എറണാകുളം);എം. ബാലാജി (തൃശ്ശൂർ);പി. ഗഗാറിൻ (വയനാട്); അധിൻ എ. നായർ (കൊല്ലം);ശ്രീജ എസ് (തിരുവനന്തപുരം); എ.എം. മേരി (കാസറഗോഡ്);ശ്രീജ എം.എസ് (ഇടുക്കി);സ്വാമിനാഥൻ ഒ.വി (പാലക്കാട്);ഷിബു ടി.സി (അർബൻ ബാങ്ക് പ്രതിനിധി).

അഞ്ച് വർഷമാണ് ഭരണസമിതിയുടെ കാലാവധി.ഗോപി കോട്ടമുറിക്കലായിരുന്നു നിലവിലെ പ്രസിഡൻ്റ്.
സി.പി.എം കോഴിക്കോട് ജില്ല കമ്മിറ്റിഅംഗവും മുൻ എംഎൽഎയുമായ കെ.കെ. ലതികയാണ്‌ മോഹനൻ്റെ ഭാര്യ. മക്കൾ: ജൂലിയസ്‌ നികിദാസ്‌, ജൂലിയസ്‌ മിർഷാദ്‌.മരുമക്കൾ: സാനിയോ,ഡോ. ശിൽപ്പ.