ഒരു ഗ്രാം സ്വര്‍ണവില 12,700(15 വർഷം മമ്പ് ഒരു പവന് ഇത്രയും വിലയില്ലായിരുന്നു!)

തിരുവനന്തപുരം:ഒരു പവൻ സ്വർണത്തിന് 1,01,600 രൂപ.2025 ജനുവരിയിൽ 57,000 രൂപയുണ്ടായിരുന്ന സ്വർണ വിലയാണ്, ഒരു വർഷം കഴിയുംമുമ്പേ ലക്ഷം കടന്നത്.
ഒരു പവൻ സ്വര്‍ണത്തിന് 1,01,600 രൂപ എന്ന കേരളത്തിൽ ഡിസംബർ 23ൻ്റെ സ്വർണ വില സര്‍വകാല റെക്കോര്‍ഡാണ്.
ഒരു ഗ്രാം സ്വര്‍ണവില 12,700. കൊവിഡിന്‍റെ കാലത്ത് സ്വര്‍ണവില40000 രൂപയായിരുന്നു .5 വര്‍ഷത്തിന് ശേഷം വില ഒരു ലക്ഷത്തിനപ്പുറം കടന്നു. ഡിസംബർ 15 നാണ് ചരിത്രത്തിലാദ്യമായി സ്വർണവില 99,000 കടന്നത്.
അന്താരാഷ്ട്ര വിപണി നിരക്കുകൾ, ഇറക്കുമതി തീരുവകൾ, നികുതികൾ, വിനിമയ നിരക്കുകളിലെ ഏറ്റക്കുറച്ചിലുകൾ എന്നിവയാണ് പ്രധാനമായും ഇന്ത്യയിലെ സ്വർണ്ണ വിലയെ സ്വാധീനിക്കുന്നത്. ഫെഡറൽ റിസർവ് പലിശ നിരക്ക് കുറച്ചതിനെത്തുടർന്ന് യുഎസ് ഡോളറിൻ്റെ മൂല്യം കുറഞ്ഞതും സുരക്ഷിത നിക്ഷേപമെന്ന നിലയിൽ ഡിമാൻഡ് നിലനിൽക്കുന്നതും കാരണമാണ് സ്വർണ്ണ വില എക്കാലത്തെയും ഉയർന്ന നിലയിലേക്ക് എത്താൻ കാരണമായത്. ഓൾ കേരള ഗോൾഡ് ആൻഡ് സിൽവർ മർച്ചന്റ് അസേസിയേഷൻ അന്താരാഷ്ട്ര വിലയെ അനുസൃതമാക്കിയാണ് കേരളത്തിൽ വില നിശ്ചയിക്കുന്നത്.

1925ൽ പവന് 13.75 രൂപയായിരുന്നത് 1950ൽ 72.75 രൂപയായി വർധിച്ചു.2000 ൽ 3,212 രൂപയായിരുന്ന സ്വർണം പവന് 10 വർഷത്തിനുള്ളിൽ 12,280 രൂപയായി കുതിച്ചു.2020ൽ അത് 32,000 രൂപയായി .2022 ൽ 38,120 രൂപയായിരുന്നത് തൊട്ടടുത്ത വർഷം 44000 രൂപയായി.2024 ൽ 50,200 രൂപയായിരുന്നത് കഴിഞ്ഞ മാർച്ചിൽ 67,400 രൂപയായി.അവിടുന്നങ്ങോട്ടുള്ള കുതിപ്പിലാണ് ഇപ്പോൾ ഒരുലക്ഷം കടന്നത്.പണിക്കൂലി,നികുതി എന്നിവ ഉൾപ്പെടെ പവൻ്റെ വില പിന്നെയും ആയിരങ്ങൾ താണ്ടിയാലേ സ്വർണം കൈയിലെത്തൂ.