ബിടെക്കുകാർക്ക് സർക്കാർ വകുപ്പുകളിൽ ഇൻ്റെൺഷിപ്പ് ഒഴിവുകൾ
അസാപ് കേരള മുഖേന അപേക്ഷിക്കാം
തിരുവനന്തപുരം:അസാപ് കേരള മുഖേന വിവിധ സർക്കാർ വകുപ്പുകളിൽ ഇന്റേൺഷിപ്പിന് അപേക്ഷിക്കാം. ഇംപാക്ട് കേരളയിൽ ബി.ടെക് കമ്പ്യൂട്ടർ സയൻസ് ബിരുദധാരികൾക്ക് തിരുവനന്തപുരത്ത് ഒരൊഴിവും (സ്റ്റൈപ്പൻഡ്: ₹10,000), തദ്ദേശ സ്വയംഭരണ വകുപ്പിൽ (LSGD) സിവിൽ എൻജിനീയറിങ് ബിരുദധാരികൾക്ക് വിവിധ ജില്ലകളിലായി 10 ഒഴിവുകളും (സ്റ്റൈപ്പൻഡ്: ₹10,000), കെ.എൽ.ഡി.സി-യിൽ (KLDC) സിവിൽ എൻജിനീയറിങ് ബിരുദധാരികൾക്ക് എട്ട് ജില്ലകളിലായി 19 ഒഴിവുകളും (സ്റ്റൈപ്പൻഡ്: ₹12,000), കിലയിൽ (KILA) ഇടുക്കി ജില്ലയിൽ സിവിൽ എൻജിനീയറിങ് ബിരുദധാരികൾക്ക് ഒരു ഒഴിവുമാണുള്ളത് (സ്റ്റൈപ്പൻഡ്: ₹24,040). താല്പര്യമുള്ളവർക്ക് careerlink.asapkerala.gov.in എന്ന ലിങ്ക് മുഖേന അപേക്ഷിക്കാവുന്നതാണ്.
