ഈ തൊഴിലുറപ്പ് സംഘത്തിന് ഇച്ചാച്ചൻ എന്നും മകൻ തന്നെയെന്ന് മകൾ അഞ്ജലി
ആലപ്പുഴ:മകൻ ആദരിക്കപ്പെടുന്നത് കണ്ടു നിൽക്കുന്നത് അമ്മമാരുടെ ഹൃദയം തളിർക്കുന്ന കാഴ്ചയാണ്.അത്തരമൊരു കാഴ്ചയിൽ മനം നിറഞ്ഞ ഒരമ്മ,വിലാസിനി സുന്ദരദാസിന് കൈയടിക്കുകയാണ് കേരളം.
മികച്ച നവാഗത നിയമസഭാ സാമാജികനുള്ള അവാർഡ് ലഭിച്ചതിന് മാവേലിക്കര എംഎൽഎ അരുൺകുമാറിനെ ആ നാട്ടിലെ തൊഴിലുറപ്പ് തൊഴിലാളികൾ ഒന്നടങ്കം ആദരിക്കുകയാണ്.അതിൽ ഏറ്റവും കൂടുതൽ സന്തോഷിക്കുന്നത് ഇടത് നിന്ന് രണ്ടാമത് കയ്യടിക്കുന്ന ആ തൊഴിലുറപ്പ് തൊഴിലാളിയാണ്. അവരാണ് അരുൺകുമാറിൻ്റെ അമ്മ വിലാസിനി സുന്ദരദാസ്.

മികച്ച നവാഗത നിയമസഭാ സാമാജികനുള്ള അവാർഡ് ലഭിച്ചതിന് മാവേലിക്കര എംഎൽഎ അരുൺകുമാറിനെ നാട്ടിലെ തൊഴിലുറപ്പ് തൊഴിലാളികൾ ആദരിക്കുന്നു.ഇടത്തു നിന്ന് രണ്ടാമത് കയ്യടിക്കുന്നത് അരുൺകുമാറിൻ്റെ അമ്മ വിലാസിനി സുന്ദരദാസ്

അരുൺകുമാറിൻ്റെ പെങ്ങൾ അഞ്ജലി എം സുന്ദരദാസ് എഴുതിയ കുറിപ്പ് വായിക്കാം :
‘എന്തൊരു സുന്ദര നിമിഷമാണ്….
മികച്ച നവാഗത നിയമ സഭ സമാജികനുള്ള പുരസ്‌കാരം നേടിയതിന് കല്ലിമേൽ ഏഴാംവാർഡിലെ തൊഴിലുറപ്പ് തൊഴിലാളികൾ അവരുടെ പ്രിയപ്പെട്ട എംഎൽഎ യെ ആദരിക്കുന്ന നിമിഷം…
നിറയുന്ന മനസും കണ്ണുമായി ഒരു അമ്മയും ഈ കൂട്ടത്തിലുണ്ട്…
ഒന്നുമില്ലായ്മയിൽ നിന്ന് മകൻ എത്തിയ സ്ഥാനം എപ്പോഴും നിറ കണ്ണുകളോടെ നോക്കി കാണുന്ന ഞങ്ങടെ അമ്മ….
അച്ഛനില്ലായ്മയുടെ പൊള്ളലിൽ നീറുമ്പോഴും മക്കളെ ചിറകിൻ കീഴിൽ സംരക്ഷിച്ച ഞങ്ങടെ അമ്മ…
അച്ഛന്റെ അസുഖം കാരണം പാതി വഴിയിൽ ഉപേക്ഷിക്കപെടേണ്ടി വന്ന പഠനം പൂർത്തിയാക്കാൻ ഹോസ്റ്റലിൽ ഇച്ചാച്ചനെ ചേർത്തപ്പോഴും അച്ഛൻ പറഞ്ഞ വാക്ക് മൂന്ന് നേരമെങ്കിലും ഒരാൾക്കെങ്കിലും വയർ നിറയെ ആഹാരം കഴിക്കാൻ പറ്റുമല്ലോ എന്നായിരുന്നു…

അരുൺകുമാറിൻ്റെ അമ്മ വിലാസിനിയും പെങ്ങൾ അഞ്ജലിയും

പിന്നീട് ഒരു ഓണക്കാലത്ത് കണ്മുന്നിൽ അച്ഛനെ മരണം കൊണ്ട് പോകുന്നത് കണ്ടു നിന്ന രണ്ട് മക്കളെയും കൊണ്ട് ഞങ്ങടെ അമ്മ ജീവിതത്തിനോട് പൊരുതി തുടങ്ങി……
കേൾക്കുന്നവർക്ക് കഥകൾ ആണെങ്കിലും ഞങ്ങളുടെ ജീവിതാനുഭവങ്ങളുടെ ഏടുകളാണ് എല്ലാം…
ഇന്നീ ഫോട്ടോ കയ്യിലെത്തിയപ്പോൾ മനസ്സിൽ തോന്നിയ മറക്കാനാവാത്ത അനുഭവങ്ങളെ കുറിച്ചിട്ടെന്നു മാത്രം 🥰
പ്രത്യേകം കുറിക്കേണ്ടത് ഇത്ര മാത്രം അമ്മയുടെ കൂട്ടുകാർ ഉൾപ്പെട്ട ഈ തൊഴിലുറപ്പ് സംഘത്തിന് ഇച്ചാച്ചൻ എന്നും മകൻ തന്നെയാണ്….’
ഇതിനോട്  ഡോ.പി.സരിൻ കൂട്ടിച്ചേർത്തു:അമ്മ വളർത്തിയ മകനാണ് ഞാൻ എന്ന് പറയാൻ യോഗ്യതയുള്ള മക്കളുള്ള കേരളം❤️.
മികച്ച നവാഗത നിയമസഭാ സാമാജികനുള്ള അവാർഡ് ലഭിച്ചതിന് മാവേലിക്കര MLA അരുൺകുമാറിനെ ആ നാട്ടിലെ തൊഴിലുറപ്പ് തൊഴിലാളികൾ ഒന്നടങ്കം ആദരിക്കുകയാണ്.
അതിൽ ഏറ്റവും കൂടുതൽ സന്തോഷിക്കുന്നത് ഇടത് നിന്ന് രണ്ടാമത് കയ്യടിക്കുന്ന ആ തൊഴിലുറപ്പ് തൊഴിലാളിയാണ്. അവരാണ് അരുൺകുമാറിന്റെ അമ്മ ശ്രീമതി വിലാസിനി സുന്ദരദാസ് ❤️.