രണ്ടു രാജ്യങ്ങളോടൊപ്പവും ചേർന്നു പ്രവർത്തിക്കാൻ ആഗ്രഹം
ന്യൂഡൽഹി :ബംഗ്ലാദേശ് പാർലമെൻ്റ് തെരഞ്ഞെടുപ്പിൽ ബിഎൻപിയെ നിർണ്ണായക വിജയത്തിലേക്ക് നയിച്ച താരിഖ് റഹ്മാനെയും ബാർബഡോസിലെ തെരഞ്ഞെടുപ്പിൽ തുടർച്ചയായ മൂന്നാം തവണയും ചരിത്ര വിജയം നേടിയ പ്രധാനമന്ത്രി മിയ ആമോർ മോട്ട്ലിയെയും
പ്രധാനമന്ത്രി നരേന്ദ്ര മോദി അഭിനന്ദിച്ചു.

താരിഖ് റഹ്മാൻ

ജനാധിപത്യപരവും പുരോഗമനപരവും എല്ലാവരെയും ഉൾക്കൊള്ളുന്നതുമായ ഒരു ബംഗ്ലാദേശിന് ഇന്ത്യയുടെ പിന്തുണ തുടർന്നും ഉണ്ടാകുമെന്ന് അറിയിച്ചു. “നമ്മുടെ ബഹുമുഖ ബന്ധങ്ങൾ ശക്തിപ്പെടുത്തുന്നതിനും നമ്മുടെ പൊതുവായ വികസന ലക്ഷ്യങ്ങൾ മുന്നോട്ട് കൊണ്ടുപോകുന്നതിനും താങ്കളോടൊപ്പം ചേർന്ന് പ്രവർത്തിക്കാൻ ഞാൻ ആഗ്രഹിക്കുന്നു”- അദ്ദേഹം പറഞ്ഞു.

ബാർബഡോസ് പ്രധാനമന്ത്രി മിയ ആമോർ മോട്ട്ലിയും
പ്രധാനമന്ത്രി നരേന്ദ്ര മോദിയും

ബാർബഡോസുമായുള്ള ഇന്ത്യയുടെ ദീർഘകാല സൗഹൃദത്തെ ഇന്ത്യ ആഴത്തിൽ വിലമതിക്കുന്നുവെന്ന് മോദി വ്യക്തമാക്കി.
വിവിധ സഹകരണ മേഖലകളിലുടനീളം ഈ ബന്ധം വികസിച്ചുകൊണ്ടിരിക്കുകയാണ്. 2024-ലെ ഇന്ത്യ-കാരികോം ഉച്ചകോടിക്കിടെ നടന്ന കൂടിക്കാഴ്ച സ്നേഹപൂർവ്വം ഓർക്കുന്നുവെന്ന് അദ്ദേഹം അറിയിച്ചു.