‘ദൃശ്യം 3’ഏപ്രിൽ 2-ന് ലോകമെമ്പാടുമുള്ള തിയറ്ററുകളിൽ
തിരുവനന്തപുരം:ജോർജുകുട്ടിയുടെ ലുക്കോടെ ‘ദൃശ്യം 3’ന് പുതിയ പോസ്റ്റർ . വീട്ടുമുറ്റത്തെ വാഴകൾക്കിടയിൽ ഒറ്റപ്പെട്ടു നിൽക്കുന്ന ജോർജുകുട്ടി. കൈലിമുണ്ടും ഷർട്ടും വേഷം.ഒരു സാധാരണക്കാരൻ്റെ വേഷം.മനസ്സിൽ സംഘർഷങ്ങൾ ഏറെയെന്ന് വ്യക്തമാക്കുന്ന മുഖഭാവം.വാഴത്തോപ്പിൽ ഗൗരവഭാവത്തിൽ നിൽക്കുന്ന ജോർജുകുട്ടിയുടെ ഈ പുതിയ പോസ്റ്റർ സോഷ്യൽ മീഡിയയിൽ വലിയ ചർച്ചകൾക്കും ട്രോളുകൾക്കും വഴിയൊരുക്കിയിട്ടുണ്ട്.

ജീത്തു ജോസഫ് രചനയും സംവിധാനവും നിർവഹിക്കുന്ന ഈ ചിത്രം ആശിർവ്വാദ് സിനിമാസിൻ്റെ ബാനറിൽ ആൻ്റണിപെരുമ്പാവൂർ നിർമ്മിക്കുന്നു.ദൃശ്യം മൂന്നുചിത്രങ്ങളും ഇദ്ദേഹമാണ് അണിയിച്ചൊരുക്കിയത്.
ചിത്രീകരണം പൂർത്തിയാക്കിയ ഈ ചിത്രത്തിൻ്റെ പോസ്റ്റ് പ്രൊഡക്ഷൻ ജോലികൾ പുരോഗമിച്ചു വരികയാണ്. ഏപ്രിൽ 2-ന് ലോകമെമ്പാടുമുള്ള തിയറ്ററുകളിൽ റിലീസ് ചെയ്യും.
‘ഭൂതകാലം ഒരിക്കലും നിശബ്ദമായിരിക്കില്ല ‘ എന്നതാണ് ചിത്രത്തിന്‍റെ പുതിയ ടാഗ്‌ലൈൻ.
മോഹൻലാലിനൊപ്പം മീന, അൻസിബ ഹസൻ, എസ്തർ അനിൽ, ആശാ ശരത്, മുരളി ഗോപി എന്നിവർ ഈ ഭാഗത്തിലും പ്രധാന വേഷങ്ങളിൽ എത്തുന്നു.
മലയാളം പതിപ്പ് റിലീസ് ചെയ്ത് ആറ് മാസങ്ങൾക്ക് ശേഷം ഒക്ടോബറിൽ അജയ് ദേവ്ഗൺ നായകനാകുന്ന ഹിന്ദി പതിപ്പും പുറത്തിറങ്ങും.