കാലിക്കറ്റ് സര്‍വ്വകലാശാലയില്‍ ഫോറന്‍സിക് സയന്‍സ് വകുപ്പില്‍ രണ്ട് അസിസ്റ്റന്‍റ് പ്രൊഫസര്‍ തസ്തികകള്‍  സൃഷ്ടിക്കാനും അനുമതി

തിരുവനന്തപുരം:മാവൂര്‍, നേര്യമംഗലം, ചീമേനി, രാജാക്കാട് എന്നിവിടങ്ങളില്‍ ആവശ്യമായ തസ്തികകള്‍ സൃഷ്ടിച്ച് ഫയര്‍ സ്റ്റേഷനുകള്‍ ആരംഭിക്കാൻ മന്ത്രിസഭായോഗം തീരുമാനിച്ചു.
മാവൂര്‍ സ്റ്റേഷന്‍‌ ആരംഭിക്കുന്നതിന് 18 തസ്തികകളും, നേര്യമംഗലം,ചീമേനി,രാജാക്കാട് എന്നീ സ്റ്റേഷനുകള്‍ ആരംഭിക്കുന്നതിന് എ സ് ടി ഒ – 3, എ എസ് ടി ഒ -3, എസ് എഫ് ആര്‍ ഒ – 4, എഫ് ആര്‍ ഓ (ഡ്രൈവര്‍) – 1 എന്നീ തസ്തികകളും അനുവദിച്ചു. ഇതിലുപരിയായി ആവശ്യം വരുന്ന തസ്തികകള്‍ പുനര്‍വിന്യാസത്തിലൂടെ കണ്ടെത്തും.
പൊലീസ് കോണ്‍സ്റ്റബിള്‍ ഡ്രൈവറുടെ 20തസ്തികകള്‍ സൃഷ്ടിക്കാനും മന്ത്രിസഭായോഗം തീരുമാനിച്ചു.
കാലിക്കറ്റ് സര്‍വ്വകലാശാലയില്‍ ഫോറന്‍സിക് സയന്‍സ് വകുപ്പില്‍ രണ്ട് അസിസ്റ്റന്‍റ് പ്രൊഫസര്‍ തസ്തികകള്‍ സൃഷടിക്കും. രജിസ്ട്രാറുടെയും സംസ്ഥാന പൊലീസ് മേധാവിയുടെയും ശുപാര്‍ശയുടെ അടിസ്ഥാനത്തിലാണിത്.