15000 രൂപയും പ്രശസ്തി പത്രവും സർട്ടിഫിക്കറ്റും അടങ്ങുന്നതാണ് പുരസ്‌കാരം

തിരുവനന്തപുരം:വയലാറിന്‍റെ അൻപതാം സ്‌മൃതിയും വയലാർ അവാർഡിൻ്റെ 4 അൻപതാം വാർഷികത്തോടും അനുബന്ധിച്ച് വയലാർ രാമവർമ്മ – ട്രസ്റ്റിൻ്റെ സ്ഥാപക സെക്രട്ടറിയായിരുന്ന സി.വി. ത്രിവിക്രമൻ്റെ പേരിൽ പുരസ്‌കാരം ഏർപ്പെടുത്തുന്നു.15000 രൂപയും പ്രശസ്തി പത്രവും സർട്ടിഫിക്കറ്റും അടങ്ങുന്ന പുരസ്‌കാരം 2026 ലെ വയലാർ അവാർഡ് വേദിയിൽ വെച്ച് സമർപ്പിക്കും.
1976 ൽ വയലാർ രാമ വർമ്മ മെമ്മോറിയൽ ട്രസ്റ്റു രൂപീകരിച്ചതു മുതൽ 2022 വരെ 45 വർഷം ട്രസ്റ്റിന് നേതൃത്വം നൽകിയ അദ്ദേഹത്തിൻ്റെ സ്മരണക്കാ യിട്ടാണ് വയലാർ വർഷത്തിൽ പുരസ്‌കാരത്തിനായി പ്രബന്ധരൂപേണയുള്ള രചനകൾ ക്ഷണിക്കുന്നത്. “വയലാർ ഗാനങ്ങളിലെ 4 കാവ്യ ബിംബങ്ങൾ”, “വയലാർ കവിതകളിലെ പ്രകൃതിബോധം” എന്നീ വിഷയങ്ങളിലെ പഠനങ്ങൾക്കാണ് പുരസ്‌കാരം. പഠനങ്ങൾ – ഓരോന്നും 50 പേജിൽ ഉൾക്കൊള്ളുന്നതായിരിക്കണം. രണ്ട് വിഷയങ്ങളിലെ പഠനങ്ങൾക്കും വെവ്വേറെയാണ് പുരസ്‌കാരം. വിദ്യാർത്ഥികളെയും മുതിർന്നവരെയും പ്രത്യേക വിഭാഗമായി പരിഗണിക്കുന്നതാണ്. വിദ്യാർത്ഥികൾ ഐഡന്റിറ്റി കാർഡിൻ്റെ പകർപ്പ് പ്രബന്ധത്തിനോടൊപ്പം സമർപ്പിക്കേണ്ടതാണ്.
പഠനങ്ങൾ സെക്രട്ടറി, വയലാർ രാമവർമ്മ മെമ്മോറിയൽ ട്രസ്റ്റ്, 1 ഭാനുമതി, നവരംഗം ലൈൻ നോർത്ത് – സെക്കൻ്റ്, ഹൗസ് നമ്പർ 52, മെഡിക്കൽ കോളേജ് പി.ഒ., തിരുവനന്തപുരം 695 011 എന്ന വിലാസത്തിൽ 2026 ജൂൺ 30 നുള്ളിൽ ലഭിച്ചിരിക്കണം. വിശദവിവരങ്ങൾക്ക് സബ് കമ്മിറ്റി ചെയർപേഴ്‌സൺ ഡോ. പി.എസ്. ശ്രീകല. 9497689809 ട്രസ്റ്റ് സെക്രട്ടറി 9446455052 എന്നീ നമ്പരുകളിൽ ബന്ധപ്പെടാവുന്നതാണ്.