ഏഴ് ഐസര്‍ കാമ്പസുകളില്‍ ഏതെങ്കിലുമൊന്നില്‍ പ്രവേശനത്തിനുള്ള ആപ്റ്റിറ്റിയൂഡ് ടെസ്റ്റിന് സയന്‍സ് വിദ്യാര്‍ത്ഥികള്‍ക്ക് രജിസ്റ്റര്‍ ചെയ്യാം

തിരുവനന്തപുരം : തിരുവനന്തപുരം ഉള്‍പ്പടെയുള്ള ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് എഡ്യൂക്കേഷന്‍ ആന്‍ഡ് റിസര്‍ച്ച് (ഐസര്‍) കേന്ദ്രങ്ങളിലേക്ക് 2026-27 അധ്യയന വര്‍ഷത്തേക്കുള്ള പ്രവേശനത്തിനുള്ള അപേക്ഷ ക്ഷണിച്ചു. ആപ്റ്റിറ്റിയൂഡ് ടെസ്റ്റ് 2026 ജൂണ്‍ 7 ന് (ഞായര്‍) ന് നടക്കും.

ഓണ്‍ലൈന്‍ ആപ്ലിക്കേഷന്‍ വിന്‍ഡോ മാര്‍ച്ച് 5 ന് (വ്യാഴം) ആരംഭിക്കും. ഏഴ് ഐസര്‍ കാമ്പസുകളില്‍ ഏതെങ്കിലുമൊന്നില്‍ പ്രവേശനത്തിനുള്ള ആപ്റ്റിറ്റിയൂഡ് ടെസ്റ്റിന് സയന്‍സ് വിദ്യാര്‍ത്ഥികള്‍ക്ക് രജിസ്റ്റര്‍ ചെയ്യാം. ഉന്നത നിലവാരത്തിലുള്ള അടിസ്ഥാന ശാസ്ത്ര വിദ്യാഭ്യാസവും ഗവേഷണവും പ്രോത്സാഹിപ്പിക്കുന്നതിന് ഇന്ത്യാ ഗവണ്‍മെൻ്റ് സ്ഥാപിച്ച പ്രമുഖ സ്വയംഭരണ സ്ഥാപനങ്ങളാണ് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് എഡ്യൂക്കേഷന്‍ ആന്‍ഡ് റിസര്‍ച്ച്.
തിരുവനന്തപുരത്തിന് പുറമെ, ബെര്‍ഹാംപൂര്‍, ഭോപ്പാല്‍, കൊല്‍ക്കത്ത, മൊഹാലി, പൂനെ, തിരുപ്പതി എന്നിവയുള്‍പ്പെടെയുള്ള ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് എഡ്യൂക്കേഷന്‍ ആന്‍ഡ് റിസര്‍ച്ചില്‍ പ്രവേശനം ആഗ്രഹിക്കുന്ന വിദ്യാര്‍ത്ഥികള്‍ക്ക് ഔദ്യോഗിക വെബ്‌സൈറ്റ്- https://www.iiseradmission.in/#admission_important_dates സന്ദര്‍ശിച്ച് ഐഎടി 2026ന് രജിസ്റ്റര്‍ ചെയ്യാം. പരീക്ഷാ കേന്ദ്രങ്ങളെക്കുറിച്ചുള്ള വിശദാംശങ്ങളും ഇതില്‍ ലഭിക്കും.