അവസാന തീയതി മെയ് 8, അടിസ്ഥാന യോഗ്യത :ബിരുദം

കോട്ടയം: കേന്ദ്ര സർക്കാരിന് കീഴിലുള്ള ഇന്ത്യൻ ഇൻസ്റ്റിറ്റ്യൂട്ട് ഓഫ് മാസ്
കമ്മ്യൂണിക്കേഷന്‍റെ (ഐഐഎംസി) കോട്ടയം ക്യാമ്പസ് നടത്തുന്ന ഏകവർഷ മലയാളം
ജേർണലിസം പോസ്റ്റ് ഗ്രാജുവേറ്റ് ഡിപ്ലോമ കോഴ്സിലേക്ക് അപേക്ഷ ക്ഷണിച്ചു.
അവസാന തീയതി മെയ് എട്ടാണ്.
ബിരുദമാണ് അടിസ്ഥാന യോഗ്യത. പരീക്ഷാഫലം
കാത്തിരിക്കുന്നവർക്കും അപേക്ഷിക്കാം. ഓഗസ്റ്റ് ഒന്നിന് പൊതു വിഭാഗത്തിൽ
അപേക്ഷകന് 25 വയസും, എസ് സി/എസ് റ്റി/ഭിന്നശേഷി വിഭാഗക്കാർക്ക് 30 വയസ്സും, ഒ
ബി സി വിഭാഗക്കാർക്ക് 28 വയസ്സും കവിയരുത്. കോട്ടയത്ത് പാമ്പാടിയിലുള്ള
ക്യാമ്പസിൽ വച്ച് മെയ് 23ന് പ്രവേശന പരീക്ഷ നടക്കും.
പൊതുവിജ്ഞാനം, ഭാഷയിലെ അറിവ്, പത്രപ്രവർത്തന അഭിരുചി തുടങ്ങിയവ
പരിശോധിക്കുന്നതാവും ചോദ്യങ്ങൾ. മെയ് 26ന് ഫലം പ്രഖ്യാപിക്കും.
ജനറൽ വിഭാഗത്തിന് 800 രൂപയും, ഒ ബി സി/ഇ ഡബ്ള്യു എസ് വിഭാഗത്തിന് 600 രൂപയും, എസ്
സി/എസ് റ്റി/ തേർഡ് ജെൻഡർ വിഭാഗക്കാർക്ക് 550 രൂപയും, ഭിന്നശേഷി
വിഭാഗക്കാർക്ക് 500 രൂപയുമാണ് പ്രവേശന പരീക്ഷ ഫീസ്. അപേക്ഷഫോറത്തിനും,
വിശദ വിവരങ്ങൾക്കും www.iimc.gov.in എന്ന വെബ്സൈറ്റ് സന്ദർശിക്കുകയോ,
കോട്ടയം പാമ്പാടിയിലുള്ള ഐ ഐ എം സി ക്യാമ്പസ് സന്ദർശിക്കുകയോ ചെയ്യുക.
https://forms.gle/juLE8R8MVswaBJhb8 എന്ന ലിങ്ക് വഴിയും അപേക്ഷകൾ
സമർപ്പിക്കാവുന്നതാണ്. പൂരിപ്പിച്ച അപേക്ഷകൾ 2026 മെയ് 8നകം
സമർപ്പിക്കേണ്ടതാണ്. oa.iimckottayam@gmail.com എന്ന മെയിലിലേക്കും ബന്ധപ്പെട്ട
രേഖകൾ സഹിതമുള്ള അപേക്ഷകൾ അയയ്ക്കാവുന്നതാണ്. കോട്ടയം ക്യാമ്പസിലെ
0481 2502520, 9188941831, 9744838575, 8075511931എന്നീ നമ്പറുകളിൽ ബന്ധപ്പെടാം.