പ്രഖ്യാപനം കൊച്ചിയിൽ

കൊച്ചി:തമിഴ് ആക്ഷൻ ത്രില്ലർ ചിത്രമായ ‘ബ്ലാസ്റ്റ്’ന് രണ്ടാം ഭാഗം വരുന്നു. ചിത്രത്തിന്‍റെ സംവിധായകൻ സുബാഷ് കെ. രാജ് കൊച്ചിയിൽ നടന്ന സക്സസ് മീറ്റിലാണ് ഈ വിവരം ഔദ്യോഗികമായി സ്ഥിരീകരിച്ചത്.

‘ബ്ലാസ്റ്റി’ൽനിന്ന്

തിയേറ്ററുകളിൽ സർപ്രൈസ് ബ്ലോക്ക്ബസ്റ്ററിലേക്ക് കുതിക്കുന്ന ചിത്രമാണിത്. ഒരു പുനരന്വേഷണത്തിന്‍റെ സൂചന നൽകുന്ന ‘ടൈൽ എൻഡ്’ രംഗത്തോടെയാണ് ഒന്നാം ഭാഗം അവസാനിക്കുന്നത്. അർജുൻ, പ്രീതി മുകുന്ദൻ, അഭിരാമി എന്നിവരാണ് ചിത്രത്തിൽ പ്രധാന വേഷങ്ങളിൽ എത്തിയിരിക്കുന്നത്. സുബാഷ് കെ. രാജ് ആദ്യമായി സംവിധാനം ചെയ്ത ഈ ചിത്രത്തിന് സംഗീതം നൽകിയിരിക്കുന്നത് പ്രശസ്ത കെ.ജി.എഫ് ഫെയിം മ്യൂസിക് ഡയറക്ടർ രവി ബസ്രൂറാണ്. ഫീനിക്സ് പ്രഭുവാണ് ഇതിലെ ആക്ഷൻ രംഗങ്ങൾ ഒരുക്കിയിരിക്കുന്നത്.ആദ്യ ഭാഗത്തിന്‍റെ അപ്രതീക്ഷിത വിജയവും കഥാവസാനത്തിലെ സസ്പെൻസും രണ്ടാം ഭാഗത്തിനായുള്ള പ്രേക്ഷകരുടെ കാത്തിരിപ്പ് വർദ്ധിപ്പിച്ചിട്ടുണ്ട്.