ചിത്രീകരണം പൂർത്തിയായ ശേഷം പുതിയ റിലീസ് ഡേറ്റ് ഔദ്യോഗികമായി പ്രഖ്യാപിക്കുമെന്ന് നിർമ്മാതാവ് ആഷിഖ് ഉസ്മാൻ

കൊച്ചി:’തുടരും’ എന്ന ബ്ലോക്ക് ബസ്റ്ററിന് ശേഷം മോഹൻലാലിനെ നായകനാക്കി തരുൺ മൂർത്തി സംവിധാനം ചെയ്യുന്ന ‘അതിമനോഹര’ത്തിൻ്റെ റിലീസ് നീട്ടി. നേരത്തെ ഒക്ടോബറിൽ പൂജാ റിലീസായി തിയേറ്ററുകളിലെത്തിക്കാൻ പ്ലാൻ ചെയ്തിരുന്ന ചിത്രം ക്രിസ്തുമസിലേക്ക് മാറിയെന്നാണ വിവരം.
ചിത്രീകരണം പൂർത്തിയായ ശേഷം പുതിയ റിലീസ് ഡേറ്റ് ഔദ്യോഗികമായി പ്രഖ്യാപിക്കുമെന്ന് നിർമ്മാതാവ് ആഷിഖ് ഉസ്മാൻ പറഞ്ഞു. ഇഷ്ക്ക്, പുള്ളിക്കാരൻ സ്‌റ്റാറാ, അടി, മഹാറാണി തുടങ്ങിയ നിരവധി ചിത്രങ്ങളുടെ രചയിതാവായ രതീഷ് രവി രചന നിർവ്വഹിക്കുന്ന ചിത്രത്തിൽ മുകേഷ് ഒരു സുപ്രധാന വേഷമവതരിപ്പിക്കുന്നു. മീരാ ജാസ്മിനാണ് നായിക.
‘തുടരും’ ഉൾപ്പെടെ മോഹൻലാലിന്റെ സൂപ്പർഹിറ്റ് സിനിമകൾക്ക് ക്യാമറ ചലിപ്പിച്ച ഷാജി കുമാറാണ് ഛായാഗ്രഹണം നിർവഹിക്കുന്നത്.
സംഗീതം- ജേക്‌സ് ബിജോയ്, സഹസംവിധാനം- ബിനു പപ്പു, എഡിറ്റിംഗ്- വിവേക് ഹര്‍ഷന്‍, സൗണ്ട് ഡിസൈൻ- വിഷ്ണു ഗോവിന്ദ്, ആർട്ട്‌ ഡയറക്ടർ- ഗോകുല്‍ദാസ്, കോസ്റ്റും- മഷര്‍ ഹംസ, പ്രൊഡക്ഷൻ കൺട്രോളർ- സുധര്‍മന്‍, രചന- രതീഷ് രവി, മേക്കപ്പ്- റോണെക്‌സ് സേവിയര്‍, ഡിജിറ്റൽ മാർക്കറ്റിംഗ്- ഒബ്സ്ക്യൂറ എന്റർടൈൻമെന്റ്.
അതിമനോഹരം സെൻട്രൽ പിക്ച്ചേഴ്സ് തിയേറ്ററുകളിലെത്തിക്കും.
മലയ്ക്ക് പോകുന്ന സ്വാമിമാർക്കിടയിൽ പോലീസ് വേഷത്തിൽ നിൽക്കുന്ന മോഹൻലാലിന്റെ ടി.എസ്. ലവ്‌ലജന്റെ ലുക്കോട് കൂടിയ ഫസ്റ്റ് ലുക്ക് ആണ് പുറത്തുവിട്ടത്. മലയാള സിനിമാ ലോകവും മോഹൻലാൽ ആരാധകരും ഏറെ പ്രതീക്ഷയോടെ കാത്തിരിക്കുന്ന ചിത്രമാണിത്.