‘മര്യാദ പുരുഷോത്തമനായ’ ശ്രീരാമനേക്കാള് ബി ജെ പി ക്ക് വലുത് സീതാപഹരണം നടത്തിയ രാവണനാണോയെന്ന് ബിനോയ്വിശ്വം
‘അയോദ്ധ്യയിലെ ക്ഷേത്ര കൊള്ളയ്ക്ക് ചൂട്ടുപിടിച്ച ആര് എസ് എസ്, ബി ജെ പി നേതൃത്വത്തെ വരുന്ന തെരഞ്ഞെടുപ്പില് ജനങ്ങള് പാഠം പഠിപ്പിക്കുo’
തിരുവനന്തപുരം:’മര്യാദ പുരുഷോത്തമനായ’ ശ്രീരാമനേക്കാള് ബി ജെ പി ക്ക് വലുത് സീതാപഹരണം നടത്തിയ രാവണനാണോയെന്ന് ഭക്തജനങ്ങള് രാജ്യമാകെ ചോദിക്കുകയാണെന്ന് സി പി ഐ സംസ്ഥാന സെക്രട്ടറി ബിനോയ്വിശ്വം .
അയോദ്ധ്യയേയും ശ്രീരാമനേയും കാട്ടി രാഷ്ട്രീയാധികാരം പിടിച്ചെടുത്ത
ആര് എസ് എസ് – ബി ജെ പി യുടെ യഥാര്ത്ഥ മുഖം രാജ്യം കാണുകയാണ്.
മതനിരപേക്ഷതയുടെ അടിത്തറ തകര്ത്ത്, ബാബറി മസ്ജിദ് പൊളിച്ചുമാറ്റിയ സംഘപരിവാറിന് ദൈവവിശ്വാസവും ക്ഷേത്രങ്ങളും രാഷ്ട്രീയ നേട്ടത്തിനുള്ള ചവിട്ടുപടി മാത്രമാണ്. മതത്തെയും ദൈവത്തെയും വിദ്വേഷ രാഷ്ട്രീയത്തിന്റെ മറയാക്കി മാറ്റിയ നരേന്ദ്രമോദിക്കും കൂട്ടാളികള്ക്കും കണക്കറ്റ സമ്പത്ത് കൈക്കലാക്കാനുള്ള ഉപാധി മാത്രമായിരുന്നു അയോദ്ധ്യയിലെ ശ്രീരാമക്ഷേത്രമെന്ന് അദ്ദേഹം കുറ്റപ്പെടുത്തി. ആദ്ധ്യാത്മിക ആചാര്യന്മാരെ വരെ പിന്നില് നിറുത്തി അയോദ്ധ്യയിലെ പ്രാണ പ്രതിഷ്ഠ നടത്തിയത് പ്രധാനമന്ത്രി മോദിയായിരുന്നു. അവിടെ നിന്നാണ് 1400 കോടി രൂപ കൊള്ളയടിക്കപ്പെട്ടത്. അതുകൂടാതെ ഭക്തര് കാണിക്കയര്പ്പിച്ച ടണ് കണക്കിന് സ്വര്ണവും വെള്ളിയും കാണാതായി.അയോദ്ധ്യയിലെ ക്ഷേത്ര കൊള്ളയ്ക്ക് ചൂട്ടുപിടിച്ച ആര് എസ് എസ്, ബി ജെ പി നേതൃത്വത്തെ വരുന്ന തെരഞ്ഞെടുപ്പില് ജനങ്ങള് പാഠം പഠിപ്പിക്കുമെന്ന് ബിനോയ്വിശ്വം പറഞ്ഞു.
