ഡിസംബറോടെ ചിത്രീകരണം പൂർത്തിയാക്കണമെന്ന് അജിത് കുമാർ

ചെന്നൈ:തമിഴകത്തിൻ്റെ ‘തല’ അജിത് കുമാർ നായകനാകുന്ന ‘എകെ64’ൻ്റെ ചിത്രീകരണം ആഗസ്റ്റിൽ ഹൈദരാബാദിൽ 6 ദിവസത്തെ ആദ്യ ഷെഡ്യൂളോടെ ആരംഭിക്കും. തുടർന്ന് സെപ്റ്റംബർ മുതൽ പൂർണ്ണ തോതിലുള്ള ചിത്രീകരണം നടക്കും.
റേസിംഗ് തിരക്കുകളിലേക്ക് മടങ്ങേണ്ടതിനാൽ, ഡിസംബറോടെ ചിത്രീകരണം പൂർത്തിയാക്കണമെന്ന് അജിത് കുമാർ ടീമിനോട് നിർദേശിച്ചിട്ടുണ്ട്.
ചിത്രം അജിത് കുമാറിന്‍റെ സ്വന്തം ബാനറിലാണ് നിർമ്മിക്കുന്നത്. സുരേഷ് ചന്ദ്ര എക്സിക്യൂട്ടീവ് പ്രൊഡ്യൂസറായും ശാലിനി അജിത് കുമാർ നിർമാതാവായും പ്രവർത്തിക്കുന്നു.
ആദിക് രവിചന്ദ്രൻ സംവിധാനം ചെയ്യുന്ന, മാസ് ഘടകങ്ങളും കുടുംബപ്രേക്ഷകരെ ലക്ഷ്യമിടുന്നതുമായ ഒരു ഗ്രാൻഡ് കൊമേഴ്സ്യൽ എന്റർടെയ്നറായിരിക്കും ചിത്രം.
സംഗീതം- അനിരുദ്ധ് രവിചന്ദർ.
ചിത്രം 2027-ലെ മദ്ധ്യവേനലവധിക്കാലത്ത് റിലീസ് ചെയ്യാനാണ് അണിയറ പ്രവർത്തകരുടെ പദ്ധതി.