വിജയ് ചിത്രം ‘ജനനായകനി’ലെ നായികമാരിലൊരാളാണ് മമിത
ചെന്നൈ:ഒരു മാസത്തിനുള്ളിൽ തമിഴിലും മലയാളത്തിലുമായി മൂന്ന് എണ്ണം പറഞ്ഞ റിലീസുകളുമായി മലയാളത്തിന്‍റെ നവകാല നായിക മമിത ബൈജു.
പ്രേക്ഷക ലോകം ഏറെക്കാലമായി കാത്തിരിക്കുന്ന വിജയ് ചിത്രം ‘ജനനായകനി’ലെ നായികമാരിലൊരാളാണ് മമിത ബൈജു. ജൂലായ് 23 ന് ചിത്രം തിയേറ്ററുകളിലെത്തും. ധീരൻ അധികാരം ഒൻട്ര്, നേർകൊണ്ട പാർവ്വെ എന്നീ ചിത്രങ്ങളിലൂടെ ശ്രദ്ധേയനായ എച്ച്. വിനോദാണ് ജനനായകന്‍റെ സംവിധായകൻ. ലക്കി ഭാസ്ക്കറിൻ്റെ തകർപ്പൻ വിജയത്തിന് ശേഷം വെങ്കി അട്ലൂരി സംവിധാനം ചെയ്യുന്ന ‘വിശ്വനാഥ് & സൺസ്’ ആഗസ്‌റ്റ്‌ 14 ന് തിയേറ്ററുകളിലെത്തും. സൂര്യ നായകനാകുന്ന ചിത്രത്തിൽ നാല്ലതുകാരനായ സൂര്യയുടെ കഥാപാത്രവുമായി പ്രണയത്തിലാകുന്ന കൗമാരപ്രായക്കാരിയുടെ വേഷമാണ് മമിതയ്ക്ക്.
ആഗസ്റ്റ് 21 ന് തിയേറ്ററുകളിലെത്തുന്ന ഗിരീഷ്. എ.ഡി.യുടെ നിവിൻ പോളി ചിത്രം ‘ബത് ലഹേം കുടുംബ യൂണിറ്റി’ലും മമിതയാണ് നായിക. വിജയ പ്രതീക്ഷയുള്ള ഈ മൂന്ന് ചിത്രങ്ങളും തെന്നിന്ത്യയിൽ മമിതയുടെ താരമൂല്യം ഉയർത്തുമെന്നുറപ്പാണ്.