‘ഇടതുപക്ഷ ഐക്യം വേണമെങ്കിൽ സിപിഎം സഹിച്ചുകൊള്ളണം എന്നാണ് സിപിഐ നിലപാട്’

കൊച്ചി:രണ്ട് ലക്ഷം വോട്ടുള്ള അസംബ്ലി മണ്ഡലങ്ങളിൽ ഒരു 5000 വോട്ട് കിട്ടുന്ന എത്ര മണ്ഡലമുണ്ട് സിപിഐയ്ക്കെന്ന് സിപിഎം സംസ്ഥാന സെക്രട്ടേറിയറ്റ് അംഗം സി എൻ മോഹനൻ. പിണറായി വിജയനെ ഒറ്റതിരിഞ്ഞാക്രമിക്കാ നാണ് സിപിഐ നീക്കം . ഇന്നുവരെയില്ലാത്ത കീഴ് വഴക്കങ്ങൾ ലംഘിച്ചു നിയമസഭയിൽ പ്രതിപക്ഷ ഉപനേതൃ പദവി തങ്ങൾക്കു വേണം എന്നാണ് സിപിഐ ആവശ്യപ്പെടുന്നതെന്ന് അദ്ദേഹം ഫെയ്സ്ബുക് കുറിപ്പിൽ ആരോപിച്ചു.
ഇടതുപക്ഷ ഐക്യം വേണമെങ്കിൽ സിപിഎം സഹിച്ചുകൊള്ളണം എന്നാണ് സിപിഐ നിലപാട് .കഴിഞ്ഞ തദ്ദേശ തിരഞ്ഞെടുപ്പിൽ പിഎംശ്രീ ആയിരുന്നു ഇവരുടെ വിപ്ലവായുധം. ആ സമയത്ത് അകത്തുനിന്നാക്രമിച്ചു ഗവണ്‍മെന്‍റിനെ നാണംകെടുത്തി . അതിന്‍റെ തുടർച്ചകൂടിയാണ് നിയമസഭ തോല്‍വിയെന്ന് മോഹനൻ കുറ്റപ്പെടുത്തി.

സി എൻ മോഹനൻ

സി എൻ മോഹനൻ്റെ ഫെയ്സ്ബുക് കുറിപ്പ് വായിക്കാം:
‘CPI(M) നേതാവ് സ :പിണറായി വിജയനെ ഒറ്റതിരിഞ്ഞാക്രമിക്കാ നാണ് CPI നീക്കം . ഇന്നുവരെയില്ലാത്ത കീഴ് വഴക്കങ്ങൾ ലംഘിച്ചു നിയമസഭയിൽ പ്രതിപക്ഷ ഉപനേതൃ പദവി തങ്ങൾക്കു വേണം എന്നാണ് CPI ആവശ്യപ്പെടുന്നത് .
എന്നും മുന്നണിയിൽ സമ്മർദതന്ത്രമാണ് ഈ പാർട്ടി സ്വീകരിച്ചു വരുന്നത്. ഇടതുപക്ഷ ഐക്യം വേണമെങ്കിൽ CPM സഹിച്ചുകൊള്ളണം എന്നാണ് ഇവരുടെ നിലപാട് ……
കഴിഞ്ഞ തദ്ദേശ തിരഞ്ഞെടുപ്പിൽ PM ശ്രീ ആയിരുന്നു ഇവരുടെ വിപ്ലവായുധം
ആ സമയത്ത് അകത്തുനിന്നാക്രമിച്ചു ഗവണ്മെന്റിനെ നാണംകെടുത്തി . അതിന്റെ തുടർച്ചകൂടിയാണ് നിയമസഭ തോല്‍വി.സമ്മർദ്ദതന്ത്രത്തിൽ അനര്‍ഹമായതല്ലേ CPI അനുഭവിക്കുന്നത് എന്ന് അവരോർക്കുന്നില്ല ..
എന്തോ മഹാത്യാഗം ചെയ്താണ് കേരളത്തിൽ മുന്നണിയുണ്ടാക്കാൻ കോൺഗ്രസ് ഭരണം ഉപേക്ഷിച്ചതെന്നാണ് ഭാവം …….
1979 ഇൽ നടന്ന തദ്ദേശ തിരഞ്ഞെടുപ്പിൽ CPI കോൺഗ്രസ് മുന്നണിയിലായിരുന്നു ….അന്ന് ആന്റണി കോൺഗ്രസുമായി മുന്നണിയയായി മത്സരിച്ചു. LDF കേരളം തൂത്തുവാരി …..അപ്പോൾ CPI എൽ ഡി എഫിൽ അല്ല -കോൺഗ്രസ് മുന്നണിയിലാ ണ് …..CPI മുഖ്യമന്ത്രിസ്ഥാനം രാജിവച്ചു പോന്നാണ് LDF രൂപീകരിച്ചതെന്ന അവകാശവാദം പൊളിയുന്നു ഈ വസ്തുതയുടെ മുന്നിൽ …..
പിന്നെ ,CPI യുടെ
ഭട്ടിൻഡകോൺഗ്രസ് 1978 ഇൽ തീരുമാനിച്ചിട്ടും കോൺഗ്രസ് മുന്നണിയിൽ വിട്ടുപോരാൻ എന്തേ ഒരു വര്ഷം താമസിച്ചത് ?
ഓ ലോകത്തിലെ ഏക puritan കമ്മ്യൂണിസ്റ്റ് പാർട്ടി CPI ആണല്ലോ ……2ലക്ഷം വോട്ടുള്ള അസംബ്ലി മണ്ഡലങ്ങളിൽ ഒരു 5000 വോട്ട് കിട്ടുന്ന എത്ര മണ്ഡലമുണ്ട് സർ നമ്മുടെ CPI ക്ക്‌ ?’