നിയമസഭാ ലൈബ്രറി സംഘടിപ്പിച്ച പുസ്തക പ്രദർശനം സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്തു,7ന് സമാപിക്കും
കേരളപ്പിറവി സംബന്ധിച്ച ഡോക്യൂമെൻ്റുകൾ, ഭരണ ഭാഷ സംബന്ധിച്ച രേഖകൾ, മലയാള ഭാഷയെപറ്റിയുള്ള പുസ്തകങ്ങൾ എന്നിവ പ്രദർശനത്തിൽ കാണാം
തിരുവനന്തപുരം:മലയാള ദിനാഘോഷത്തിൻ്റെയും ഭരണഭാഷാ വാരാഘോഷത്തിന്‍റെയും ഭാഗമായി നിയമസഭാ ലൈബ്രറി സംഘടിപ്പിച്ച പുസ്തക പ്രദർശനം ലൈബ്രറി റഫറൻസ് ഹാളിൽ സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്തു.നവംബർ 7 ന് പ്രദർശനം സമാപിക്കും.
ഉദ്ഘാടന ചടങ്ങിൽ ഡെ പ്യൂട്ടി സ്പീക്കർ ഷാനിമോൾ ഉസ്മാൻ , നിയമസഭാ സെക്രട്ടറി -ഇൻ-ചാർജ് ഷാജി സി ബേബ എന്നിവർ പങ്കെടുത്തു.
കേരളപ്പിറവി സംബന്ധിച്ച ഡോക്യൂമെൻ്റുകൾ, ഭരണ ഭാഷ സംബന്ധിച്ച രേഖകൾ, മലയാള ഭാഷയെപറ്റിയുള്ള പുസ്തകങ്ങൾ, കവിത്രയങ്ങളുടെ പുസ്തകങ്ങൾ , എഴുത്തച്ഛൻ പുരസ് കാര ജേതാക്കളായ കവികളുടെ പുസ്തകങ്ങൾ തുടങ്ങിയവ പ്രദർശനത്തിൽ ഉൾപ്പെടുത്തിയിട്ടുണ്ട് .
