തെന്നിന്ത്യൻ താരം സാമന്ത ‘സോണി വിഴാ’യിൽ അവതാരക
ചെന്നൈ:സോണി പിക്ച്ചേഴ്സ് നെറ്റ് വർക്ക്സ് ഇന്ത്യ പുതിയ തമിഴ് എൻ്റർടൈയിൻമെൻ്റ് ചാനൽ ‘സോണി വിഴാ’ ആരംഭിക്കുമെന്ന് പ്രഖ്യാപിച്ചു. ഒക്ടോബറിൽ ചാനൽ സംപ്രേഷണം ആരംഭിക്കും.
തമിഴ് സംസ്കാരം, വികാരങ്ങൾ, ഭാഷ, ജനങ്ങളുടെ ദൈനംദിന ജീവിതാനുഭവങ്ങൾ എന്നിവയ്ക്ക് പ്രാധാന്യം നൽകുന്ന പ്രീമിയം കണ്ടന്റുകളായിരിക്കും ചാനലിന്‍റെ പ്രധാന ആകർഷണം. ഒർജിനൽ ഫിക്ഷൻ, അന്താരാഷ്ട്ര റിയാലിറ്റി ഫോർമാറ്റുകൾ, സിനിമകൾ, ബിഗ് ബഡ്ജറ്റ് എന്റർടെയ്ൻമെന്റ് ഷോകൾ എന്നിവ ടെലിവിഷനും ഡിജിറ്റൽ പ്ലാറ്റ്‌ഫോമുകളും ലക്ഷ്യമിട്ട് അവതരിപ്പിക്കുമെന്ന് സോണിയുടെ സാരഥികൾ അറിയിച്ചു.
സ്വാതന്ത്ര്യദിനത്തിൽ കുട്ടികൾ ആലപിച്ച ‘തമിഴ് തായ് വാഴ്ത്ത്’ എന്ന തമിഴ്നാടിന്‍റെ സംസ്ഥാന ഗാനത്തിന്‍റെ അവതരണത്തിലൂടെയാണ് ചാനലിന്‍റെ പേരും ലോഗോയും ഔദ്യോഗികമായി പുറത്തിറക്കിയത്. പ്രശസ്ത തെന്നിന്ത്യൻ താരം സാമന്ത അവതാരകയായെത്തുന്ന സെലിബ്രിറ്റി മാസ്റ്റർ ഷെഫ് എന്ന റിയാലിറ്റി ഷോ സോണി വിഴായുടെ പ്രധാന പ്രോഗ്രാമുകളിലൊന്നാണ്.