ജെഎൻയുവിൽ ഇടതു ജയം
ഡൽഹി: ജവഹർലാൽ നെഹ്റു സർവകലാശാലയിലെ (ജെഎൻയു)വിദ്യാർഥി യൂണിയൻ തെരഞ്ഞെടുപ്പിൽ ഇടതുപക്ഷ സഖ്യത്തിന് വമ്പൻ വിജയം. എസ്എഫ്ഐ, ഐസ, ഡിഎസ്എഫ് സംഘടനകളുൾപ്പെടുന്ന വിദ്യാർഥിസഖ്യം മുഴുവൻ ജനറൽ സീറ്റുകളിലു വൻഭൂരിപക്ഷത്തിൽ വിജയിച്ചു.കഴിഞ്ഞ തവണ എബിവിപി വിജയിച്ച ജോയിൻറ് സെക്രട്ടറിസ്ഥാനം ഇത്തവണ ഇടതുപക്ഷ സഖ്യം പിടിച്ചെടുത്തു.
എബിവിപിയെ വലിയ വ്യത്യാസത്തിൽ പിന്നിലാക്കിയാണ് സഖ്യം തോൽപ്പിച്ചത്. പ്രസിഡൻ്റായി ഐസയുടെ അതിഥി മിശ്രയും വൈസ് പ്രസിഡന്റായി എസ്.എഫ്.ഐയുടെ മലയാളിയായ
കെ ഗോപികാ ബാബുവും വിജയിച്ചു. ആയിരത്തിലേറെ വോട്ടുകളുടെ ഭൂരിപക്ഷം ഗോപികയ്ക്ക് ലഭിച്ചു. ജനറൽ സെക്രട്ടറിയായി സുനിൽ യാദവ് (ഡിഎസ്എഫ്), ജോയിൻ്റ് സെക്രട്ടറിയായി ഡാനിഷ് അലി (ഐസ) എന്നിവരും തെരഞ്ഞെടുക്കപ്പെട്ടു.
എബിവിപിയുടെ പല സ്വാധീനകേന്ദ്രങ്ങളിലും ഇടത് സഖ്യം ഭൂരിപക്ഷംനേടി.സർവകലാശാല ഐസികളിലേക്കുള്ള മൂന്ന് പോസ്റ്റുകളിലും ഇടത് സഖ്യം ജയിച്ചു.വോട്ടെണ്ണൽ പൂർത്തിയായ സ്കൂളുകളിലെ ഭൂരിഭാഗം കൗൺസിലർമാരും ഇടതുപക്ഷ സഖ്യ സ്ഥാനാർഥികളാണ് .
