ജി. പ്രജിത് സംവിധാനം ചെയ്ത ചിത്രത്തിലെ നായികമാർ ആശാ ശരത്തും ഇഷാനി കൃഷ്ണയും
കൊച്ചി:ലോക വ്യാപകമായി 4 കോടി 51 ലക്ഷം ഗ്രോസ്സ് കളക്ഷൻ നേടി ജയറാം – കാളിദാസ് ചിത്രം
കേരളത്തിൽ നിന്ന് മാത്രം 5 ദിവസത്തിനുള്ളിൽ ആശകൾ ആയിരം നേടിയ ഗ്രോസ്സ് 3 കോടി 18 ലക്ഷം രൂപയാണ്. കർണ്ണാടകയിൽ നിന്ന് 34 ലക്ഷവും തമിഴ് നാട്ടിൽ നിന്ന് 12 ലക്ഷവും നേടിയ ചിത്രത്തിന്റെ ഓവർസീസ് ഗ്രോസ്സ് 66.85 ലക്ഷം രൂപയാണ്. 5 ദിവസത്തെ വേൾഡ് വൈഡ് ഷെയർ 2 കോടി 25 ലക്ഷത്തോളം വരും. ശ്രീ ഗോകുലം മൂവീസിൻ്റെ ബാനറിൽ ഗോകുലം ഗോപാലനാണ് നിർമ്മാണം. ഒരു വടക്കൻ സെൽഫിയിലൂടെ മലയാള സിനിമാ പ്രേക്ഷകർക്കു സുപരിചിതനായ ജി. പ്രജിത് സംവിധാനം ചെയ്ത ചിത്രത്തിലെ നായികമാർ ആശാ ശരത്തും ഇഷാനി കൃഷ്ണയുമാണ്.
ജയറാമും മകൻ കാളിദാസ് ജയറാമും 23 വര്‍ഷങ്ങള്‍ക്ക് ശേഷം ഒന്നിച്ച ചിത്രമാണ് ആശകള്‍ ആയിരം. ഞായറാഴ്‍ച മാത്രം ചിത്രം ഒരു കോടി രൂപയിലധികം കേരള ബോക്സ് ഓഫീസില്‍ നിന്ന് നേടി എന്നാണ് ഫ്രൈഡേ മാറ്റ്‍നി റിപ്പോര്‍ട്ട് ചെയ്യുന്നത്.

ജൂഡ് ആന്‍റണി ജോസഫ് ആണ് ആശകൾ ആയിരത്തിന്‍റെ ക്രിയേറ്റിവ് ഡയറക്‌ടർ.അരവിന്ദ് രാജേന്ദ്രനും ജൂഡ് ആന്റണി ജോസഫും ചേർന്നാണ് രചന .
ആശകൾ ആയിരത്തിലെ മറ്റു പ്രധാന കഥാപാത്രങ്ങളെ ഷറഫുദ്ധീൻ, ആനന്ദ് മന്മഥൻ, അഖിൽ എൻ ആർ ഡി, രമേശ് പിഷാരടി, ദിലീപ് മേനോൻ, സിൻസ് ഷാൻ, രാജേഷ് അഴിക്കോട്, വൈശാഖ് വിജയൻ, അഭിനന്ദ് അക്കോട്, മുകുന്ദൻ, ആനന്ദ് പദ്മനാഭൻ, രഞ്ജിത് ബാലചന്ദ്രൻ, സുധീർ പരവൂർ, നിഹാരിക, ഭാഗ്യ, കുഞ്ചൻ, ഷാജു ശ്രീധർ, റാഫി, സുരേഷ് കുമാർ എന്നിവരാണ്. കോ- പ്രൊഡ്യൂസേഴ്‌സ്: ബൈജു ഗോപാലൻ, വി സി പ്രവീൺ . ആശകൾ ആയിരം കേരളത്തിലെ തിയേറ്ററുകളിലേക്കെത്തിക്കുന്നത് ശ്രീ ഗോകുലം മൂവീസിൻ്റെ ഡിസ്ട്രിബൂഷൻ പാർട്ട്നറായ ഡ്രീം ബിഗ് ഫിലിംസും ഓവർസീസ് വിതരണം ഫാർസ് ഫിലിംസുമാണ് നിർവഹിക്കുന്നത്.