ചട്ടമ്പി സ്വാമികളെ പോലുള്ള മഹാന്മാർ കേരളത്തിന്‍റെ സമ്പന്നമായ സാംസ്കാരിക പൈതൃകത്തിന്‍റെ അഭിമാനകരമായ സംഭാവന: ഗവർണർ

കൊല്ലം:ചട്ടമ്പി സ്വാമികൾ, ശ്രീ നാരായണ ഗുരു, ആദി ശങ്കരാചാര്യർ തുടങ്ങിയ മഹാന്മാർ സ്വന്തം ജീവിതത്തേക്കാൾ സമൂഹത്തെ ഉയർന്നതായി കണ്ടവരും; സമൂഹത്തിന്റെ ക്ഷേമത്തിനായി ജീവിതം സമർപ്പിച്ചവരുമാണ് ഗവർണർ രാജേന്ദ്ര വിശ്വനാഥ് ആർലേക്കർ .
കൊല്ലം പന്മനയിൽ ചട്ടമ്പി സ്വാമികൾ സ്മാരക പ്രഭാഷണം ഉദ്ഘാടനം ചെയ്യുകയായിരുന്നു അദ്ദേഹം.
ഈ മഹാന്മാരുടെ ഉപദേശങ്ങൾ സമൂഹത്തോടുള്ള നമ്മുടെ കടമ നമ്മെ ഓർമ്മിപ്പിക്കുന്നു. അവരുടെ ഉപദേശങ്ങളുടെ അന്തസത്ത ഉൾക്കൊണ്ട് പ്രവർത്തിക്കേണ്ട സമയം ഇതാണെന്നും ഗവർണർ പറഞ്ഞു.ചട്ടമ്പി സ്വാമികളുടെ ജീവിതം സമൂഹത്തിൽ ശരിയായ ആചാരങ്ങൾ പാലിക്കേണ്ടതിന്‍റെ പ്രാധാന്യം നമ്മെ ഓർമ്മിപ്പിക്കുന്നതാണ്. ‘വസുധൈവ കുടുംബകം’ എന്ന മഹത്തായ സിദ്ധാന്തത്തിലാണ് വിശ്വസിച്ചു വന്നിരുന്നത്. സമൂഹത്തെ മൊത്തമായി കാണുന്ന സന്ദേശമാണ് ചട്ടമ്പി സ്വാമികളുടെ ഉപദേശങ്ങളിൽ നിറഞ്ഞുനിൽക്കുന്നതെന്നും ഗവർണർ പറഞ്ഞു.
എല്ലാ കുടുംബങ്ങളിലും സമൂഹങ്ങളിലും ശരിയായ ധർമ്മവും ആചാരങ്ങളും കാത്തു സൂക്ഷിക്കാൻ പ്രതിജ്ഞഎടുക്കേണ്ട സമയമാണിത്. അങ്ങനെ ചെയ്താലേ ഭാരതം മുഴുവൻ സംരക്ഷിതമാകൂ .
ചട്ടമ്പി സ്വാമികളെ പോലുള്ള മഹാന്മാർ കേരളത്തിന്‍റെ സമ്പന്നമായ സാംസ്കാരിക പൈതൃകത്തിന്‍റെ അഭിമാനകരമായ സംഭാവനകളാണെന്ന് ചൂണ്ടിക്കാട്ടിയ ഗവർണർ, ജീവിതത്തിന്‍റെ എല്ലാ മേഖലകളിലും ധർമ്മവും ശരിയായ ആചാരങ്ങളും പാലിക്കാൻ ആഹ്വാനം ചെയ്തു.