ശബരിമല ഉള്‍പ്പെടുന്ന റാന്നി പെരുനാട് പഞ്ചായത്ത് ഭരണം എല്‍ഡിഎഫിന്
തിരുവനന്തപുരം:ശബരിമല അയ്യപ്പൻ്റെ സ്വർണക്കൊള്ളയ്ക്കെതിരായ ജനവികാരം ആഞ്ഞുവീശിയപ്പോള്‍ സംസ്ഥാനത്തെ തദ്ദേശ ഇടത് ആധിപത്യം തകർന്നടിഞ്ഞെങ്കിലും ശബരിമല ഉള്‍പ്പെടുന്ന റാന്നി പെരുനാട് പഞ്ചായത്ത് ഭരണം എല്‍ഡിഎഫിന്.

പി എസ് ഉത്തമൻ
ശബരിമല വാർഡ് മെംബർ(സിപിഎം)

അതിലേറ്റവും കൌതുകം ശബരിമല സന്നിധാനം വരുന്ന ശബരിമല വാർഡ് സിപിഎം സ്വന്തമാക്കിയത് നറുക്കെടുപ്പിലൂടെയാണ് എന്നതാണ്.യുഡിഎഫിനും എല്‍ഡിഎഫിനും തല്യ വോട്ടുവന്ന ഇവിടെ നറുക്കെടുപ്പില്‍ അയ്യപ്പാനുഗ്രഹം സിപിഎമ്മിനായിരുന്നു.സിപിഎമ്മിൻ്റെ പി.എസ്.ഉത്തമനും കോൺഗ്രസിൻ്റെ അമ്പിളി സുജസിനും 268 വോട്ട് വീതം ലഭിച്ചിരുന്നു. തുടർന്നാണ് ടോസ് വേണ്ടിവന്നത്.

കഴിഞ്ഞ തവണ ബിജെപി ജയിച്ച ഈ വാര്‍ഡില്‍ ഇത്തവണ അവർ മൂന്നാം സ്ഥാനത്തായിപ്പോയി.
16 ൽ 10 വാർഡുകളിലാണ് ഇവിടെ എൽ‍ഡിഎഫ് സ്ഥാനാർഥികൾ വിജയിച്ചത്. യുഡിഎഫ് – 3, ബിജെപി – 3 എന്നിങ്ങനെയാണ് കക്ഷിനില.