‘ബിഡിജെഎസ് വംശ നാശം സംഭവിച്ച പാർട്ടി’
കൊച്ചി:തുഷാർ വെള്ളാപ്പള്ളി നയിക്കുന്ന ബിഡിജെഎസിനെതിരെ ബിജെപി പ്രവർത്തകർ വ്യാപകമായി സാമൂഹിക മാധ്യമങ്ങളിൽ രംഗത്തെത്തി.തുഷാർ തിരുവനന്തപുരത്ത് നഗരസഭയിൽ ഉണ്ടാക്കിയ തെരഞ്ഞെടുപ്പു നേട്ടത്തിൽ അഭിനന്ദിച്ചിട്ട ഫെയ്സ് ബുക് പോസ്റ്റും വലിയ തോതിൽ ട്രോളായി ഇക്കൂട്ടർ പ്രചരിപ്പിക്കുന്നുണ്ട്.
ബിജെപിയുടെ സാമൂഹിക മാധ്യമങ്ങളിലെ മുഖങ്ങളിലൊന്നായ, ഹൈക്കോടതി അഭിഭാഷകൻ കമൽജിത് കമലാസനൻ എഴുതിയ ഫെയ്സ് ബുക് കുറിപ്പ് വായിക്കാം:

കമൽജിത് കമലാസനൻ

‘ഇത്ര ഗതികെട്ടവന്മാരുമായി എന്തിനാ മോനെ നീ കൂട്ട് കൂടുന്നത്.’ ‘പട്ടണപ്രവേശം’ എന്ന സിനിമയിൽ പ്രഭാകരൻ്റെ അമ്മ ജയിൽ ചാടി വന്ന അനന്തൻനമ്പ്യാർ പ്രഭാകരൻ്റെ ഷർട്ടും മുണ്ടും ധരിച്ചിരിക്കുന്നത് കണ്ടു മകനോട് ചോദിച്ച ഡയലോഗ് ആണിത്..
ബിജെപി നേതാക്കളോട് ബിഡിജെഎസുമായി ഉള്ള സഖ്യത്തെ കുറിച്ച് ഇതിൽ കൂടുതൽ ഒന്നുമേ ചോദിക്കാനില്ല.
പലരും അന്വേഷിക്കുന്ന കാര്യമാണ് ബിഡി പാർട്ടിയുടെ റിസൾട്.
എന്‍റെ അറിവ് അനുസരിച്ചു..
1. 300 ൽ കൂടുതൽ സീറ്റുകൾ ബിജെപി ബീഡിക്കു കൊടുത്തിട്ടുണ്ട്.
2. മത്സരിക്കാൻ ആൾ ഇല്ലാത്തതിനാൽ 200 നു മുകളിൽ മാത്രമേ അവർക്കു മത്സരിക്കാൻ കഴിഞ്ഞിട്ടുള്ളൂ.
3. ബിജെപി യുടെ സഹായം കൊണ്ട് 5 സീറ്റുകളിൽ അവർ ജയിച്ചിട്ടുണ്ട് എന്നു സ്ഥിരീകരിക്കാത്ത വാർത്തകൾ ഉണ്ട്.
4. ബിജെപി തരംഗത്തിനു ഇടയിലും തിരുവനന്തപുരം നഗര സഭയിൽ മത്സരിച്ച 3 സീറ്റുകളിലും അവർ ദയനീയമായി തോറ്റിട്ടുണ്ട്.
5. നന്തൻകോട് വാർഡിൽ മത്സരിച്ച എസ്എൻഡിപി യോഗത്തിന്‍റെ ഒരു യൂണിയൻ സെക്രട്ടറി കൂടിയായ അനീഷ് ദേവന് ആകെ കിട്ടിയത് 479 വോട്ടുകൾ മാത്രമാണ്. നന്തൻകോട് എസ്എൻഡിപി ശാഖ സെക്രട്ടറി ആയിട്ടും ലഭിച്ചത് 460 വോട്ടുകൾ മാത്രം. കേശവദാസപുരത്ത് മത്സരിച്ച ഒരു ശാഖ സെക്രട്ടറിയുടെ ഭാര്യ ആയിരുന്നു 500 വോട്ടുകൾക്ക് മുകളിൽ നേടിയ ഏക ബീഡി സ്ഥാനാർത്ഥി.

7.കൊച്ചി കോർപ്പറേഷനിൽ 13 സീറ്റുകളിൽ മത്സരിച്ചെങ്കിലും പലയിടത്തും 300 വോട്ടുകൾക്ക് മുകളിൽ പോലും ബിഡിജെഎസിനു ലഭിച്ചില്ല.
ചുരുക്കി പറഞ്ഞാൽ ബീഹാറിലെ ജെഡിയുവിൻ്റെ ഒരു ബ്രാഞ്ച് ഉണ്ടാക്കി എൻഡിഎ ലേബലിൽ നിന്നിരുന്നുവെങ്കിലും 25 ൽ കൂടുതൽ സീറ്റ് ഉറപ്പായും പിടിക്കാൻ കഴിയുമായിരുന്നു എന്നിടത്താണ് ബിഡിജെഎസ് വംശ നാശം സംഭവിച്ച പാർട്ടിയായി മാറി കൊണ്ടിരിക്കുന്നുവെന്ന് മനസ്സിലാക്കേണ്ടത്.
നായാടി മുതൽ നമ്പൂതിരി വരെ എന്ന മുദ്രാവാക്യം മരിച്ചിട്ട് 6-7 വർഷങ്ങൾ ആയെങ്കിലും, എസ്എൻഡിപിക്കാരായ 5% ഈഴവർ എങ്കിലും ആ പാർട്ടിക്ക് വോട്ട് ചെയ്യും എന്ന ധാരണ തുഷാറിന് കെട്ടി വെച്ച കാശ് കിട്ടാതെ പോയപ്പോൾ തന്നെ തെളിഞ്ഞതാണ് എങ്കിലും, ബീഡികളോട് ഈഴവർക്ക് ഉള്ള വെറുപ്പ് ഇപ്പോൾ കൂടുതൽ വ്യക്തമാകുകയാണ്.
അവിടെ ആണ് എനിക്കും സായിപ്പിനും കൂടി 1000 രൂപ 10 പൈസ ശമ്പളം ( 1000 രൂപ സായിപ്പിന്‍റെ ശമ്പളം ) എന്ന മോഡൽ പോസ്റ്റർ ബീഡി ചെയർമാൻ തുഷാർ പോസ്റ്റ്‌ ചെയ്യുന്നതിലെ ദയനീയത വ്യക്തമാകുന്നത്..