യുജിസി  ശമ്പള പരിഷ്കരണത്തിലെ എൻട്രി കേഡർ അനോമലി പരിഹരിക്കണമെന്നും ആവശ്യം

തിരുവനന്തപുരം: യുജിസി ഏഴാം ശമ്പള പരിഷ്കരണത്തിലെ എൻട്രി കേഡർ അനോമലി പരിഹരിക്കുക, ശമ്പള പരിഷ്കരണ കുടിശ്ശികയും, ഡിഎ അരിയറും അനുവദിക്കുക എന്നീ ആവശ്യങ്ങൾ ഉന്നയിച്ച് ഗവ.ആയുർവേദ കോളേജുകളിൽ അധ്യാപകർ അവകാശ ദിനം ആചരിച്ചു.

പ്രതിഷേധത്തിൻ്റെ ഭാ​ഗമായി തിരുവനന്തപുരം ഗവ.ആയുർവേദമെഡിക്കൽ കോളെജിൽ രാവിലെ മുതൽ ബാഡ്ജ് ധരിച്ചാണ് അധ്യാപകർ ജോലി നോക്കിയത്. ഉച്ചക്ക് കോളേജ് അങ്കണത്തിൽ കൂടിയ യോഗം അഖിലകേരള ഗവ ആയുർവേദ കോളെജ് അധ്യാപക സംഘടനയുടെ  സംസ്ഥാന സെക്രട്ടറി ഡോ. സുനീഷ് മോൻ ഉദ്ഘാടനം ചെയ്തു.കേരളത്തിൻ്റെ ആരോ​ഗ്യ രം​ഗത്തിന് വേണ്ടിയും, ആയുർവേദ ചികിത്സയ്ക്ക് വേണ്ട പ്രചാരണത്തിന് വേണ്ടിയും അക്കാദമിക് മേഖലയിലും ആഹോരാത്രം പണിയെടുക്കുന്ന ആയുർവേദ അധ്യാപകരുടെ ന്യായമായ അവകാശങ്ങൾ സർക്കാർ അടിയന്തിരമായി നടപ്പാക്കണമെന്നും ഡോ. സുനീഷ് മോൻ ആവശ്യപ്പെട്ടു.

യൂണിറ്റ് വൈസ് പ്രസിഡൻ്റ് ഡോ .സുബിയുടെ അധ്യക്ഷതയിൽ കൂടിയ യോഗത്തിൽ  മുഴുവൻ അധ്യാപകരും പങ്കെടുത്തു. യൂണിറ്റ് സെക്രട്ടറി ഡോ. നീനുപീറ്റർ സ്വാഗതം പറഞ്ഞ ചടങ്ങിൽ , സംസ്ഥാന വൈസ് പ്രസിഡൻ്റ് ഡോ.ബി രശ്മി , സംസ്ഥാന ട്രഷറർ ഡോ ഇന്ദുലേഖ, സംസ്ഥാന കമ്മിറ്റി മെമ്പർ ഡോ ജനീഷ്,ഡോ അനുശങ്കർ എന്നിവർ പ്രസംഗിച്ചു.