സന്ന്യാസത്തിൻ്റെ 25 വർഷം പൂർത്തിയാക്കിയ സ്വാമി ഗുരുരത്നം ജ്ഞാന തപസ്വിയ്ക്ക് ആദരം

തിരുവനന്തപുരം: ഗുരുശിഷ്യപാരസ്പര്യത്തിന്റെ മഹിമ വിളിച്ചോതി പോത്തൻകോട് ശാന്തിഗിരിയിൽ ഫെബ്രുവരി 22 ന് പൂജിതപീഠം ആഘോഷവും അർദ്ധവാർഷിക കുംഭമേളയും നടക്കും. മലങ്കര സഭ കർദ്ദിനാൾ ക്ലീമിസ് കാത്തോലിക്ക ബാവ പൂജിതപീഠം ആഘോഷങ്ങൾ ഉദ്ഘാടനം ചെയ്യും. സന്ന്യാസത്തിൻ്റെ 25 വർഷം പൂർത്തിയാക്കിയ സ്വാമി ഗുരുരത്നം ജ്ഞാന തപസ്വിയെ ചടങ്ങിൽ മന്ത്രി ജി.ആർ. അനിൽ ആദരിക്കും.
പൊതുസമ്മേളനത്തിന് ആശ്രമം പ്രസിഡന്‍റ് സ്വാമി ചൈതന്യ ജ്ഞാന തപസ്വി അധ്യക്ഷത വഹിക്കും. പാളയം ഇമാം ഡോ.വി.പി. ഷുഹൈബ് മൗലവി, ബിലിവേഴ്സ് ഈസ്റ്റേൺ ചർച്ച് ബിഷപ്പ് ഡോ.മാത്യൂസ് മാർ സിൽവാനിയോസ് എപ്പിസ്കോപ്പ, ശിവഗിരി മഠത്തിലെ സ്വാമി സുകൃതാനന്ദ എന്നിവർ മഹനീയ സാന്നിദ്ധ്യമാവും.മേയർ വി.വി.രാജേഷ്, എം.എൽ.എമാരായ കടകംപള്ളി സുരേന്ദ്രൻ, വി.ജോയി , മുൻ കേന്ദ്രമന്ത്രി വി.മുരളീധരൻ, തിരുവനന്തപുരം , കേരള സംസ്ഥാന സഹകരണ യൂണിയൻ ചെയർമാൻ കോലിയക്കോട് എൻ.കൃഷ്ണൻ നായർ, മലങ്കര ഓർത്തഡോക്സ് ചർച്ച് സഭ സെക്രട്ടറി ബിജു ഉമ്മൻ, കോർപ്പറേഷൻ കൌൺസിലർ കെ.എസ്. ശബരീനാഥൻ, മുൻ എം.എൽ.എ. എം.എ.വാഹിദ്, പ്രമോദ് പയ്യന്നൂർ, ജോർജ് സെബാസ്റ്റ്യൻ, സബീർ തിരുമല, എ.ജയപ്രകാശ്, ഡോ.ശ്രീവത്സൻ നമ്പൂതിരി, ഡി.ശാന്തകുമാരി, അഡ്വ.എം. മുനീർ,. എം.ബാലമുരളി, ജെ.എസ്. അഖിൽ, ഷോഫി കെ., ഫാദർ രാജൂ പീറ്റർ, എം.അനിൽകുമാർ, മണക്കാട് രാമചന്ദ്രൻ,സ്വാമി ഗുരുസവിധ് ജ്ഞാന തപസ്വി,അനിൽ ചേർത്തല തുടങ്ങിയവർ സംബന്ധിക്കും.
ഉച്ചയ്ക്ക് 2 മണിക്ക് നടക്കുന്ന സാംസ്കാരിക സമ്മേളനം ഡി.കെ. മുരളി എം.എൽ.എ. ഉദ്ഘാടനം ചെയ്യും.ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാന തപസ്വി അദ്ധ്യക്ഷത വഹിക്കും. കേരള യൂണിവേഴ്സിറ്റി ഹെൽത്ത് സയൻസസ഼ വൈസ് ചാൻസ് ലർ പ്രൊഫ.ഡോ. മോഹനൻ കുന്നുമ്മൽ മുഖ്യപ്രഭാഷണം നടത്തും. ആശ്രമം വൈസ് പ്രസിഡന്‍റ് സ്വാമി നിർമ്മോഹാത്മ ജ്ഞാന തപസ്വി മഹനീയ സാന്നിദ്ധ്യമാവും. പോത്തൻകോട് പഞ്ചായത്ത് പ്രസിഡന്‍റ് വി.ബിന്ദു, വൈസ് പ്രസിഡന്‍റ് ആർ.അനിൽ, തിരുവനന്തപുരം ജില്ലാ പഞ്ചായത്ത് മെമ്പർമാരായ ദീപ അനിൽ, പി.വി.രാജേഷ്, ബി.ജെ.പി ദേശീയ നിർവ്വാഹക സമിതി അംഗം പി.കെ. കൃഷ്ണദാസ്,തിരുവനന്തപുരം നോർത്ത് പ്രസിഡന്‍റ് എസ്.ആർ. റെജികുമാർ, സി.പി.എം വെഞ്ഞാറമ്മൂട് ഏരിയ സെക്രട്ടറി ഇ.എ.സലീം, സെന്‍റ് ജോൺസ് മെഡിക്കൽ വില്ലേജ് ഡയറക്ടർ ഫാ.ജോസ് കിഴക്കേടം, വാമനപുരം ബ്ലോക്ക് മെമ്പർ ഐ.പി. ബിന്ദുപിള്ള., പോത്തൻകോട് മുസ്ലീം ജമാഅത്ത് ചീഫ് ഇമാം നന്നാട്ടുകാവ്, കോലിയക്കോട് മഹീന്ദ്രൻ, നസീജ ബീവി എസ്., ബിൽഡ് ഹബ് ഫൗണ്ടർ & സി.ഇ.ഒ., സബീർ എം.എസ്., വർണ്ണ ലതീഷ്, ബി.ഉഷ, ബി.എസ്. നൈജ, പ്രവീണ രതീഷ്, എസ്.വി.സിജി, പി.എസ്. ബിനു, ആർ.രഞ്ജിത് കുമാർ, കുതിരകുളം ജയൻ, എം.ചന്ദ്രപ്രകാശ്, അനിൽ ചേർത്തല, എ.എം.റാഫി, കിരൺദാസ് കെ., ആർ.സഹീറത്ത് ബീവി, പൂലന്തറ റ്റി.മണികണ്ഠൻ, ഡോ.പി.എ. ഹേമലത എന്നിവർ പങ്കെടുക്കും.
രാവിലെ 5 മണിക്ക് ആരാധന ധ്വജം ഉയർത്തൽ, പർണ്ണശാലയിൽ പുഷ്പ സമർപ്പണം തുടങ്ങിയ ചടങ്ങുകളോടെ പൂജിതപീഠം സമർപ്പണം ആഘോഷങ്ങൾക്ക് തുടക്കമാവും. 11 മണിമുതൽ ഗുരുദർശനം, വിവിധ സമർപ്പണങ്ങൾ ഉച്ചയ്ക്ക് അന്നദാനം എന്നിവ നടക്കും. വൈകിട്ട് 5 മണിമുതൽ ആശ്രമ സമുച്ചയത്തെ വലംവെച്ചുകൊണ്ട് അർദ്ധവാർഷിക കുംഭമേള നടക്കും. തുടർന്ന് അരങ്ങേറ്റം, ശാന്തിഗിരി വിശ്വസാംസ്കാരിക നവോത്ഥാനകേന്ദ്രത്തിലെ കലാകാരന്മാരുടെ വിവിധ കലാ പരിപാടികൾ എന്നിവ പൂജിതപീഠം സമർപ്പണം ആഘോഷങ്ങളുടെ ഭാഗമായി നടക്കും.
പൂജിതപീഠം ആഘോഷം അർദ്ധവാർഷിക കുംഭമേളയുടെ ഭാഗമായിട്ടുള്ള ആശ്രമ കുംഭം പോത്തൻകോട് ശാന്തിഗിരി ആശ്രമത്തിൽ രാവിലെ 8.30 ന് ആശ്രമം പ്രസിഡന്‍റ് സ്വാമി ചൈതന്യ ജ്ഞാന തപസ്വി, ജനറൽ സെക്രട്ടറി സ്വാമി ഗുരുരത്നം ജ്ഞാന തപസ്വി എന്നിവരുടെ നേതൃത്വത്തിൽ നിറച്ചു. ആശ്രമം ബ്രാഞ്ചുകളിൽ ചുമതലക്കാരായ സന്ന്യാസിമാർ ആശ്രമം കുംഭം നിറയ്ക്കുകയുണ്ടായി.ഫെബ്രുവരി 22 ന് വൈകിട്ടാണ് അർദ്ധവാർഷിക കുംഭമേള നടക്കുക