മുഖ്യമന്ത്രിയും മോഹൻലാലും തമ്മിലുള്ള അഭിമുഖം ‘ ഇരുവർ ‘ ഇന്ന് 6 ന്
രാത്രി 9നും ചില ചാനലുകളിൽ പുന:സംപ്രേഷണം
തിരുവനന്തപുരം:കേരളത്തിന്‍റെ മുഖ്യമന്ത്രി പിണറായി വിജയനും മലയാളികളുടെ പ്രിയപ്പെട്ട നടൻ മോഹൻലാലും
തമ്മിലുള്ള അഭിമുഖം ഇന്ന് വൈകുന്നേരം ആറ് മണി മുതൽ പ്രമുഖ ടെലിവിഷൻ ചാനലുകളിൽ സംപ്രേഷണം ചെയ്യും.ഒരു മണിക്കൂർ ദൈർഘ്യമുള്ള അഭിമുഖത്തിൻ്റെ ടീസർ വൈറലായിരുന്നു.
ന്യൂസ് മലയാളം 24×7 ചാനലിൽ ടിവിയിൽ ആറ് മണിമുതൽ ഏഴ് വരെയുള്ള സമയത്ത് ടെലികാസ്റ്റ് ചെയ്യുന്ന അഭിമുഖം ഒൻപത് മണി മുതൽ 10 വരെ വീണ്ടും കാണാൻ കഴിയുമെന്ന് അറിയിച്ചിട്ടുണ്ട്.
ഏറെ ആകാംക്ഷയോടെ കേരളം കാണാൻ കാത്തിരിക്കുന്ന അഭിമുഖമാണിത്.രജനീകാന്തിൻ്റെ ആക്ഷൻ ചിത്രങ്ങൾ കാണാനിഷ്ടമാണെന്നു മാത്രമല്ല ‘ഓരോന്നിനും അതിൻ്റേതായ സമയമുണ്ട് ,ദാസാ’പോലുളള ഡയലോഗുകൾ മുഖ്യമന്ത്രി ഈ അഭിമുഖത്തിൽ മോഹൻലാലിൻ്റെ ചോദ്യത്തിനുത്തരമായി ഓർമിപ്പിക്കുന്നുമുണ്ട്.
