7000 മൺപാത്രങ്ങൾ പക്ഷികൾക്ക് വെള്ളം കുടിക്കാനായി സ്ഥാപിക്കുന്നതാണ് പദ്ധതി

തിരുവനന്തപുരം : കേരള യൂത്ത് പ്രമോഷൻ കൗൺസിലിൻ്റെ നേതൃത്വത്തിൽ വേനലിൽ പക്ഷികൾക്ക് ദാഹജലം നൽകുന്നതിനു വേണ്ടിയുള്ള തണ്ണീർകുടം പദ്ധതിയുടെ ഭാഗമായി തൈക്കാട് മോഡൽ ഗവ. എൽ പി സ്കൂൾ കുട്ടികൾ സ്കൂളിൽ തണ്ണീർക്കുടങ്ങൾ ഒരുക്കി .
രാജ്യാന്തര കുരുവി ദിനത്തിന്‍റെ ഭാഗമായി ആരംഭിച്ച പദ്ധതിയുടെ ഭാഗമായാണ് സ്കൂളിൽ തണ്ണീർക്കുടങ്ങൾ ഒരുക്കിയത്.സംസ്ഥാനത്തുടനീളം 7000 മൺപാത്രങ്ങൾ പക്ഷികൾക്ക് വെള്ളം കുടിക്കാനായി സ്ഥാപിക്കുന്നതാണ് പദ്ധതി.ആലുവ സ്വദേശി ശ്രീമൻ നാരായണനാണ് പദ്ധതിക്ക് ആവശ്യമായ മൺ പാത്രങ്ങൾ നൽകുന്നത്.
യൂത്ത് പ്രമോഷൻ കൗൺസിൽ ചെയർമാൻ സുമൻജിത്ത്മിഷ പരിപാടി ഉദ്‌ഘാടനം ചെയ്തു. അദ്ധ്യാപിക ജി. എസ് സുനിത തണ്ണീർകുടങ്ങൾ ഏറ്റുവാങ്ങി.അധ്യാപകരായ സൗമ്യ, കല കൗൺസിൽ പ്രതിനിധി ധ്യാൻജിത്ത് മിഷ എന്നിവർ പങ്കെടുത്തു.കുട്ടികളുടെയും അധ്യാപകരുടെയും നേതൃത്വത്തിൽ സ്കൂളിന്‍റെ വിവിധ ഭാഗങ്ങളിൽ തണ്ണീർകുടങ്ങൾ സ്ഥാപിച്ചു.