‘അമിതമായ വിമാന ചാര്‍ജ്ജുകളും, മുന്നറിയിപ്പില്ലാതെയുള്ള ഫ്‌ലൈറ്റ് ക്യാന്‍സലേഷനും പ്രശ്നം’

തിരുവനന്തപുരം:അമിതമായ വിമാന ചാര്‍ജ്ജുകളും, മുന്നറിയിപ്പില്ലാതെയുള്ള ഫ്‌ലൈറ്റ് ക്യാന്‍സലേഷനും, ക്രെഡിബിലിറ്റിയില്ലാത്ത വ്‌ലോഗര്‍മാരും, ഇന്‍ഫ്‌ലുവന്‍സര്‍മാരും ഒരു ലൈസെന്‍സും ഇല്ലാതെ ഫേസ് ബുക്കിലും ഇന്‍സ്റ്റാഗ്രാമിലും കപട വാഗ്ദാനങ്ങള്‍ നല്‍കി ഒരു സുരക്ഷ മുന്‍കരുതലുമില്ലാതെ പാക്കേജ് ടൂറുകള്‍ നടത്തി ജനങ്ങളെ കബളിപ്പിക്കുന്നതുമാണ് ഇന്ന് ടൂറിസം മേഖലയില്‍ പ്രത്യേക്ഷമായും പരോക്ഷമായും പ്രവര്‍ത്തിക്കുന്നവര്‍ക്ക് നേരിടേണ്ടി വരുന്ന പ്രധാന വെല്ലുവിളികളെന്ന് കേരളത്തിലെ ട്രാവല്‍ ആന്‍റ് ടൂറിസം രംഗത്ത് പ്രവര്‍ത്തിക്കുന്നവരുടെ പ്രൊഫഷണല്‍ സംഘടനയായ കേരളൈറ്റ്‌സ് ട്രാവെല്‍സ് ആന്‍റ് ടൂര്‍സ് കണ്‍സോര്‍ഷ്യം (കെ. ടി. ടി. സി ).
ഇതേക്കുറിച്ച് ടൂറിസം മന്ത്രി പി. സി വിഷ്ണുനാഥിനെ അദ്ദേഹത്തിന്‍റെ ഓഫീസില്‍ വെച്ച്കെ. ടി. ടി. സി ഭാരവാഹികൾ കണ്ട് ചർച്ച നടത്തി.
കെ. ടി. ടി. സി ടൂറിസം രംഗത്ത്പ്രവര്‍ത്തിക്കുന്നവര്‍ക്ക് വേണ്ടി നവംബര്‍ 27, 28 തീയതികളില്‍ കൊച്ചിന്‍ ജവഹര്‍ലാല്‍ നെഹ്‌റു ഇന്‍റര്‍നാഷണല്‍‍ സ്റ്റേഡിയം ഗ്രൗണ്ടില്‍ വെച്ച് തുഷാര്‍ മെഗാ ടൂറിസം ബി -2-ബി മീറ്റ് അഞ്ചാം എഡിഷന്‍ നടത്തുവാന്‍ തീരുമാനിച്ചിട്ടുണ്ട്.
ഇന്ത്യയിലെയും വിദേശങ്ങളിലെയും 200 ല്‍ പരം ടൂര്‍ കമ്പനി കള്‍, ഡി. എം. സി കള്‍ പ്രമുഖ ഹോട്ടല്‍ ആന്‍റ് റിസോര്‍ട്ടുകള്‍, ഫ്‌ലൈറ്റ് കമ്പനികള്‍, ഓണ്‍ലൈന്‍ പോര്‍ട്ടലുകള്‍ എന്നിവരുടെ സ്റ്റാളുകള്‍ ഈ ബി ടു ബി മീറ്റില്‍ ക്രമീകരിച്ചിട്ടുണ്ട് .
ഇടനിലക്കാരുടെ ചൂഷണമില്ലാതെ ഇവരുമായി ബിസിനസ് സാധ്യതകള്‍ നേരിട്ട് ചര്‍ച്ച ചെയ്തു സ്വന്തമായി ബിസിനസ്സ് ചെയ്യുവാന്‍ ഓരോ ട്രാവല്‍ ഏജന്‍റിനെയും ടൂര്‍ ഓപ്പറേറ്റര്‍മാരെയും പ്രാപ്തരാക്കുക എന്നതാണ് തുഷാര്‍ മെഗാ ടൂറിസം ബി ടു ബി മീറ്റ് കൊണ്ട് പ്രധാനമായും ഉദ്ദേശിക്കുന്നത്.
ഈ വര്‍ഷം ഏകദേശം ഏഴായിരത്തോളം രജിസ്റ്റേര്‍ഡ് ട്രാവല്‍ ഏജൻ്റുമാരെയും ടൂര്‍ ഒപ്പേററ്റര്‍മാരെയും പങ്കെടുപ്പിക്കുമെന്ന് കെ. ടി. ടി. സി പ്രസിഡൻ്റ് മനോജ് എം വിജയ് അറിയിച്ചു.
കെ. ടി. ടി. സി ഭാരവാഹികളായ സ്‌നോജ് മച്ചിങ്ങല്‍ (ജനറല്‍ സെക്രട്ടറി), ഡെന്നി ജോസ് (ട്രഷറര്‍), ഷാജി കല്ലായ്, ഷിജോ ജോര്‍ജ്, സന്ധ്യ വര്‍മ്മ, ജെബിന്‍, അനു പി ജോസ്, ആനന്ദ് കെ. ആര്‍, ജിസന്‍ ജോണ്‍, പ്രോഗ്രാം ചെയര്‍മാന്‍ ഓസ്റ്റിന്‍ ബന്നാന്‍, സിറില്‍ ട്രാവലോകം, വിനു പീറ്റര്‍ എന്നിവര്‍ പങ്കെടുത്തു.