‘കാബ്സ് വിത്ത് ഇന്ഡിഗോ’ അവതരിപ്പിച്ച് ഇന്ഡിഗോ
വിമാനത്താവളത്തിലേക്ക് വരുന്നവര്ക്കും വിമാനത്താവളത്തില്നിന്നും പോകുന്നവര്ക്കും സേവനം
തിരുവനന്തപുരം: ഇന്ത്യന് നഗരങ്ങളിലെ വിമാനത്താവളങ്ങളില് ഇന്ഡിഗോ ‘കാബ്സ് വിത്ത് ഇന്ഡിഗോ’ എന്ന സേവനം ആരംഭിച്ചു. വിമാനത്താവളത്തിലേക്ക് വരുന്നവര്ക്കും വിമാനത്താവളത്തില്നിന്നും പോകുന്നവര്ക്കും ഈ സേവനം ലഭിക്കും. വിശ്വാസ്യയോഗ്യമായതും കൃത്യസമയം പാലിക്കുന്നതും സമ്മര്ദ്ദരഹിതവുമായ കണക്ടവിറ്റി യാത്രക്കാരന് വിമാനത്താവളങ്ങളില് ഉറപ്പാക്കുന്നതിനാണ് ‘കാബ്സ് വിത്ത് ഇന്ഡിഗോ’ എന്ന സേവനം ആരംഭിച്ചത്.
വാഹനം ലഭിക്കുന്നതിലെ അനിശ്ചിതത്വം, ഉയര്ന്ന നിരക്ക്, അവസാന നിമിഷം റദ്ദാക്കുന്നത് പോലുള്ള വിമാനയാത്രക്കാരുടെ പ്രധാന തലവേദനകള്ക്ക് കാബ്സ് വിത്ത് ഇന്ഡിഗോ പരിഹാരം കാണുന്നു.
ബുദ്ധിമുട്ടുകളില്ലാത്ത യാത്ര വാഗ്ദാനം ചെയ്യുന്നതിനോടുള്ള പ്രതിജ്ഞാബദ്ധത മൂലമാണ് ഇന്ഡിഗോ ഈ സേവനം ആരംഭിച്ചത്. വിമാനയാത്രയ്ക്കായി പ്രത്യേകം രൂപകല്പ്പന ചെയ്ത ആശ്രയിക്കാവുന്നതും സുതാര്യവുമായ യാത്രാ മാര്ഗമാണ് മോജോബോക്സിനൊപ്പം ചേര്ന്ന് ഇന്ഡിഗോ നല്കുന്നത്.
കേവലം 49 രൂപയ്ക്ക് യാത്രകള് റിസര്വ് ചെയ്യാം. റിസര്വ് ചെയ്യുന്നവരെ ഉറപ്പായും പിക്-അപ് ചെയ്ത് 100% യാത്ര ഉറപ്പാക്കുന്നു. സുതാര്യമായ പ്രൈസിങ്, രീതികളുള്ള ഈ സേവനത്തില് പിക്-അപ് ടൈം വരെ സൗജന്യമായി റിസര്വേഷന് റദ്ദാക്കാം. യാത്രയിലെ അനിശ്ചിതത്വങ്ങള് മൂലം യാത്ര വൈകിയാല് 30 മിനുട്ട് വരെ സൗജന്യമായി വെയിറ്റ് ചെയ്യും.
വ്യോമ കണക്ടിവിറ്റിക്ക് അപ്പുറം ഇന്ഡിഗോ ഹോട്ടലുകള് ബുക്ക് ചെയ്യുന്നതിനും നഗരകാഴ്ചകള് കാണുന്നതിനുമുള്ള സൗകര്യങ്ങള് ഏര്പ്പെടുത്തിയിട്ടുണ്ട്. ഈ സംവിധാനത്തിലേക്ക് പുതുതായി കൂട്ടിച്ചേര്ക്കുന്നതാണ് കാബ്സ് വിത്ത് ഇന്ഡിഗോ.
