തിരുവനന്തപുരം മുതല്‍ നഹാ ട്രാങ് വരെ 12,500 രൂപ മുതല്‍, തിരുച്ചിറപ്പള്ളി മുതല്‍ ഫുകെറ്റ് വരെ 12,500 രൂപ

തിരുവനന്തപുരം:സിംഗപ്പൂര്‍ എയര്‍ലൈന്‍സിൻ്റെ ബജറ്റ് എയര്‍ലൈനായ സ്‌കൂട്ടിൻ്റെ ജൂലൈ തീമാറ്റിക് സെയില്‍ ആരംഭിച്ചു. ഈ മാസം 12 വരെ ഓഫറുകള്‍ ലഭിക്കും. ഏഷ്യ-പസഫിക്ക് മേഖലയില്‍ ആകര്‍ഷകമായ നിരക്കുകള്‍ സ്‌കൂട്ട് വാഗ്ദാനം ചെയ്യുന്നു. ഇന്ത്യയില്‍ നിന്ന് സിംഗപ്പൂര്‍ വഴി ഫുകെറ്റിലേക്കുള്ള വണ്‍വേ ഇക്കണോമി ക്ലാസ് നിരക്കുകള്‍ 10,500 രൂപ മുതല്‍ ഉപഭോക്താക്കള്‍ക്ക് ബുക്ക് ചെയ്യാം.

നഹാ ട്രാങ് (വിയറ്റ്‌നാം) ബാങ്കോക്ക്, ചിയാങ് റായ് (തായ്‌ലന്‍ഡ്) ബാലി, ജക്കാര്‍ത്ത (ഇന്തോനേഷ്യ), സിഡ്‌നി, മെല്‍ബണ്‍, പെര്‍ത്ത് (ഓസ്‌ട്രേലിയ) തുടങ്ങിയസ്ഥലങ്ങളിലേക്കുള്ള യാത്രകള്‍ക്കായി 2026 സെപ്റ്റംബര്‍ 01 നും 2027 മാര്‍ച്ച് 27 നും ഇടയിലുള്ള ബുക്കിംഗിന് പ്രമോഷണല്‍ നിരക്കുകള്‍ ലഭ്യമാണ്.

ഈ പരിമിത സമയ വില്‍പ്പനയിലൂടെ തിരുവനന്തപുരം, അമൃത്സര്‍, ചെന്നൈ, മറ്റ് ദക്ഷിണേന്ത്യന്‍ നഗരങ്ങള്‍ എന്നിവിടങ്ങളില്‍ നിന്നുള്ള യാത്രക്കാര്‍ക്ക് ഇപ്പോള്‍ പ്രത്യേകമായ വിലയില്‍ യാത്രകള്‍ ആസ്വദിക്കാന്‍ കഴിയും.
ചില പ്രധാന നിരക്കുകള്‍: വിശാഖപട്ടണം മുതല്‍ ജക്കാര്‍ത്ത വരെ 10,500 രൂപ മുതല്‍, കോയമ്പത്തൂര്‍ മുതല്‍ ക്വാലാലംപൂര്‍ വരെ 12,000 രൂപ മുതല്‍, തിരുവനന്തപുരം മുതല്‍ നഹാ ട്രാങ് വരെ 12,500 രൂപ മുതല്‍, തിരുച്ചിറപ്പള്ളി മുതല്‍ ഫുകെറ്റ് വരെ 12,500 രൂപ മുതല്‍, അമൃത്സര്‍ മുതല്‍ തായ്‌പേയ് വരെ 17,000 രൂപ മുതല്‍, ചെന്നൈ മുതല്‍ സിഡ്‌നി വരെ 18,000 രൂപ മുതല്‍.